រឿងពិតរបស់លោក សុខ យឿន នៅលើ ថាក់ស៊ីន

លោកសុខយឿននិងកូនស្រីក្នុងស្នាក់នៅប្រទេសហ្វាំងឡង់

ថ្ងៃទី១២ វិច្ឆិកា ២០០៩

តែប៉ុន្មានម៉ោងបន្ទាប់ពីអ្នកទោសសៀម ថាក់ស៊ីនឈានជើងជានដីប្រទេសកម្ពុជា កាលពីថ្ងៃទី១០ ខែវិច្ឆិកា ឆ្នាំ២០០៩ លោក ឆាវលីត យុងឆៃយុត បានប្រាប់ កាសែតសៀមថា ការដែលរដ្ឋាភិបាល
ហ៊ុន សែន មិនធ្វើបត្យាប័នប្រគល់លោក ថាក់ស៊ីន ឲ្យរដ្ឋាភិបាលអាប់ភីស៊ីត នេះ គឺដូចគ្នានឹងរដ្ឋាភិបាលសៀមមិនប្រគល់ ខ្លួនលោក សុខ យឿន ឲ្យរដ្ឋាភិបាលកម្ពុជាដែរ។

លោក សុខ យឿន ជាសកម្មជនគណបក្សសមរង្ស៊ីនៅខេត្តបាត់ដំបង ដែលសព្វ ថ្ងៃលោកនិងសមាជិកគ្រួសារជិត៥០រូបបានស្នាក់នៅប្រទេសហ្វាំងឡង់ដែលជា កន្លែងជ្រកកោននយោបាយ។
លោកត្រូវមន្រ្តីរដ្ឋាភិបាល ហ៊ុន សែនចោទប្រកាន់ ថា ពាក់ព័ន្ធទៅនឹងការបង្កៃគ្រាប់រ៉ុកកែតពីមុខក្បួនរថយន្តរបស់លោក ហ៊ុន សែន កាលពីខែកញ្ញា ឆ្នាំ១៩៩៨។

លោក សុខ យឿន បានគេចខ្លួនទៅប្រទេសសៀម។ លោក សុខ យឿនត្រូវបាន ចាប់ខ្លួននៅចុងឆ្នាំ១៩៩៩ ហើយត្រូវជាប់ពន្ធនាគារនៅប្រទេសសៀមរយៈពេល ជាង៤ឆ្នាំ។
ដោយការជួយជ្រោមជ្រែងពីឧត្តមស្នងការជាន់ខ្ពស់អង្គការសហប្រជា ជាតិ ទើបធ្វើឲ្យរដ្ឋាភិបាលសៀមមិនប្រគល់ខ្លួនលោក សុខ យឿនមកឲ្យអាជ្ញាធរ ខ្មែរនោះ។

ទោះជាយ៉ាងណា បញ្ហានេះវាមិនដូចគ្នាទេ ដោយលោក សុខ យឿន ជាជនរង គ្រោះនយោបាយ និងតុលាការកម្ពុជាក៏មិនទាន់បានកាត់ទោសថាលោកមាន ទោសដែរ។ ម្យ៉ាងលោក សុខ យឿន
ត្រូវអាជ្ញាធរសៀមឃុំខ្លួនក្នុងពន្ធនាគារជាង ៤ឆ្នាំ។ ឯលោក ថាក់ស៊ីន ជាអ្នកមានទោសដែលតុលាការសៀមបានរកឃើញថា
គាត់មានទោសឧក្រិដ្ឋពីបទពាក់ព័ន្ធនឹងអំពើពុករលួយដ៏ធំកាលពីគាត់ធ្វើជា នាយករដ្ឋមន្រ្តី ហើយទោសកំហុសនោះក៏បានធ្វើឲ្យប្រទេសជាច្រើនមកទទួល លោក ថាក់ស៊ីន ឲ្យជ្រកកោនផងដែរ។

លោក សុខ យឿន ត្រូវបានអង្គការ UNHCR ផ្តល់ឋានៈជាអ្នកទោសមនសិការ ជាអ្នកទោសនយោបាយ ហើយគេដឹងឮជាអន្តរជាតិ។ ប៉ុន្តែលោក ថាក់ស៊ីន ត្រូវ គេដឹងថា
ជាអ្នកទោសដែលតុលាការប្រទេសសៀមរកឃើញថា ពាក់ព័ន្ធនឹងអំពើ ពុករលួយដ៏ធ្ងន់ធ្ងរបំផុត។ ដូច្នេះលោក ឆាវលីត យ៉ុងឆៃយ៉ុត មិនអាចប្រៀបធៀប ករណីលោក ថាក់ស៊ីន ជាមួយលោក សុខ
យឿន បានទេ៕