កម្ពុជាប្រតិកម្មនឹងសៀមដែលថាវត្តកែវសិក្ខាគីរីស្វារៈស្ថិតនៅលើទឹកដីរបស់ខ្លួន

មួយខែបន្ទាប់ ពីក្រសួងការ បរទេស សៀម បាន ចេញរបាយ ការណ៍បញ្ជាក់ ថា វត្ត កែវសិក្ខាគីរីស្វារៈ
ស្ថិត នៅលើដី សៀម កាលពីថ្ងៃទី ៤ មេសា កន្លងមក នៅថ្ងៃទី ៤ ឧសភា ឆ្នាំ២០១០ មន្ត្រីកុងស៊ុលខ្មែរ
ប្រតិកម្ម រឿង នេះ និងថា ការអះអាង របស់ក្រសួង ការបរទេសសៀម នោះ គឺ ជាការប្រឌិត រឿងខុស
ការពិត។

មន្ត្រីស្ថានកុងស៊ុលខ្មែរប្រចាំ នៅប្រទេសសៀម បានស្នើឱ្យ មន្ត្រីក្រសួង ការបរទេសសៀម
ទទួលយកឯកសារចំនួន៦ដែល សៀមចេះតែប្រឌិតឯកសារថា ដីនៅជុំវិញ ប្រាសាទព្រះវិហារ គឺជាដីរបស់សៀម ។

កាលពីថ្ងៃទី៤ ខែមេសា ឆ្នាំ ២០១០ ក្រសួងការបរទេសថៃ បានចេញ សេចក្តីប្រកាសព័ត៌មាន
មួយថា វត្តកែវសិក្ខា គីរី ស្វារៈ ដែលស្ថិតនៅជិតប្រាសាទ ព្រះវិហារនោះ គឺជាវត្តដែលនៅ ក្នុង
ទឹកដីសៀម ។

នៅថ្ងៃទី៤ ខែឧសភា ឆ្នាំ ២០១០ មន្ត្រីកុងស៊ុលខ្មែរ ប្រ ចាំ នៅប្រទេសសៀម បានប្រ កាសថា
វត្តកែវសិក្ខាគីរីស្វារៈ ពិតជាវត្តរបស់ខ្មែរ ស្ថិតនៅលើ ទឹកដីខ្មែរ ដោយផ្អែកតាមផែនទីដងរែក
បារាំង-សៀម កាលពី ឆ្នាំ១៩០៨ ហើយត្រូវបានទទួល ស្គាល់ អោយប្រើប្រាស់ ដោយ
តុលាការទីក្រុងឡាអេ ក្នុងឧប សម្ព័ន្ធ១ ស្ថិតនៅក្នុងសេចក្តីសំ រេច របស់តុលាការអន្តរជាតិឆ្នាំ
១៩៦២ ។

សេចក្តីប្រកាសបានឱ្យដឹង ទៀតថា ចាប់តាំងពីឆ្នាំ១៩០៨ ថៃ ក៏បានទទួលស្គាល់តំបន់នៅ
ជុំវិញ ប្រាសាទព្រះវិហារ និង វត្តកែវសិក្ខារីស្វារៈ ស្ថិតនៅក្នុង ទឹកដីកម្ពុជាដែរ, ហើយក្រោយ
ពីសាលក្រមរបស់តុលាការអន្តរ ជាតិទីក្រុងឡាអេ ឆ្នាំ១៩៦២ ក៏ថៃទទួលស្គាល់ដែរ។ ប៉ុន្តែនៅ
ថ្ងៃទី៧ កក្កដា ឆ្នាំ២០០៨ នៅ ពេលដែល ប្រាសាទព្រះវិហារ ត្រូវបានអង្គការ យូណេស្កូចុះ
បញ្ចូលទៅក្នុងបញ្ជី បេតិកភ័ណ្ឌ ពិភពលោក,ថៃបែរជាប្រកាស ថា តំបន់នោះ រួមទាំងវត្តកែវ
សិក្ខាគីរីស្វារៈផង ស្ថិតនៅក្នុង ទឹកដីសៀម ។

មន្ត្រីកុងស៊ុលខ្មែរ ប្រចាំនៅ ប្រទេសថៃ បានបញ្ជាក់ថា វត្ត កែវបសិក្ខាគីរីស្វារៈ ស្ថិតនៅក្នុង
ទឹកដីកម្ពុជា, ហើយកម្ពុជាសូម បដិសេធទាំងស្រុង និងជាថ្មីម្តង ទៀត ចំពោះកំណត់ទូត របស់
ក្រសួងការបរទេសថៃ, ហើយ ស្ថានកុងស៊ុលកម្ពុជា ប្រចាំនៅ ប្រទេសសៀមបានអញ្ជើញមន្ត្រី
ក្រសួងការបរទេសថៃឱ្យទទួល យកឯកសារ សំខាន់ៗចំនួន៦ ដើម្បីពិនិត្យឱ្យបានច្បាស់លាស់
និងមានការទទួលស្គាល់ជាអន្តរ ជាតិ នៅមុនពេលដែលថៃ ប្រ ឌិតរឿងដដែលៗ ដូចជាគេអះ
អាងថាវត្តកែវសិក្ខាគីរីស្វារៈនិង តំបន់ ជុំវិញប្រាសាទព្រះវិហារ ថា ស្ថិតនៅក្នុងទឹកដីរបស់ខ្លួន
នោះ ។

នៅមុននេះមួយថ្ងៃ ក្រសួង ការបរទេសខ្មែរបានចេញសេចក្តី ប្រកាសព័ត៌មានមួយ បដិសេធ
ដែរថា ភាគីកម្ពុជាបានធ្វើខ្សែ រ៉តនៅតំបន់ ប្រាសាទតាក្របី នៅលើទឹកដីសៀម ។ តាមការពិត
ការធ្វើខ្សែរ៉តនោះគឺស្ថិតនៅ ក្នុងទឹកដីកម្ពុជា ។

សូមបញ្ជាក់ថា សៀមដែល មានមហិច្ឆតាឈ្លានពាននិងចង់ លេបត្របាក់ប្រាសាទព្រះវិហារ
និងប្រាសាទនានាព្រមទាំងតំបន់ មួយចំនួនទៀត នៅជាប់ព្រំដែន ជាមួយខ្លួននោះ ពួកគេតែង
តែ ប្រឌិតឯកសារ និងបានឆ្លងចូល ជាន់ដីខ្មែរយ៉ាងគឃ្លើន ។

អំពើរំលោភឈ្លានពាន ចង់ បានដីខ្មែរដោយមិនខ្មាសអៀន នេះ បានធ្វើឱ្យមានការ ផ្ទុះអាវុធ
នៅតាមព្រំដែន ជាច្រើនដង រវាងកងទ័ព ការពារព្រំដែននៃ ប្រទេសទាំង បណ្តាលឱ្យ មាន
របួសនិងស្លាប់ទាំងសង្ខាង៕