សុនឆ័យស្នើសុខអានឆ្លើយបំភ្លឺពីការបង់កម្រៃ២៨លានដុល្លាររបស់ក្រុមហ៊ុនតូតាល់

បញ្ហា ពាក់ព័ន្ធ នឹងការងារ រ៉ែប្រេងកាត និងឧស្ម័ន ព្រម ទាំង ការបង់ កម្រៃ ២៨លាន ដុល្លារ
របស់ ក្រុមហ៊ុន តូតាល់ ត្រូវបាន លោក សុន ឆ័យ អ្នកតំណាង រាស្ត្រ គណបក្ស សម រង្ស៊ី មណ្ឌល
ភ្នំពេញ លើកជា សំណើ ដើម្បីឱ្យ មាន ការឆ្លើយ បំភ្លឺពី លោក សុខ អាន ឧបនាយករដ្ឋ មន្ត្រី ទទួល
បន្ទុក ទីស្តីការ គណៈរដ្ឋមន្ត្រី នាពេល ដ៏ខ្លីខាង មុខ នេះ។

យោងតាមលិខិតរបស់លោក សុន ឆ័យ មួយច្បាប់លេខស.ឆ ៤-០០៦/០០ ចុះថ្ងៃទី០៥ ខែ
ឧសភា ឆ្នាំ២០១០ ដែលស្នើ តាមរយៈលោក ហេង សំរិន ប្រធានរដ្ឋសភាដើម្បីឱ្យលោក
សុខ អាន ចូលខ្លួនទៅឆ្លើយបំភ្លឺ នៅចំពោះអង្គប្រជុំសភានោះ ត្រូវបានគូសបញ្ជាក់ថា«យោង
តាមព័ត៌មានដែលបានផ្សាយ ពាក់ព័ន្ធនឹងការបង់ប្រាក់២៨ លានដុល្លារដល់រាជរដ្ឋាភិបាល
ខ្មែរ»។

លិខិតលោក សុន ឆ័យ ដដែលនេះបានរៀបរាប់យ៉ាង លម្អិតថា ដោយសារមានព័ត៌មានថ្មីៗ
ពាក់ព័ន្ធនឹងការបង់កម្រៃ ២៨លានដុល្លាររបស់ក្រុមហ៊ុនតូតាល់ នៃប្រទេសបារាំង ដើម្បីទទួល
បានសិទ្ធិរុករកប្រេងកាត ក្នុងសមុទ្រខ្មែរ បន្ទាប់ពីមាន ការផ្សព្វផ្សាយរឿងអាស្រូវដែលថា
ក្រុមហ៊ុនពះភរបស់ប្រទេស អូស្ត្រាលីមួយបានបង់ប្រាក់កម្រៃ ទឹកតែដល់មន្ត្រីរដ្ឋាភិបាលខ្មែរ
ដើម្បីទទួលសិទ្ធិរុករករ៉ែអាលុយ មីញ៉ូមនៅក្នុងខេត្តមណ្ឌលគិរី។

លិខិតបានបន្តទៀតថា​ ដោយច្បាប់ស្តីពីការគ្រប់គ្រង និងធ្វើ អាជីវកម្មធនធានរ៉ែមាត្រា១
បានចែងថា«ប្រតិបត្តិការប្រេង កាត និងឧស្ម័នស្ថិតនៅក្រោម ច្បាប់មួយដោយឡែក»។
ហើយមកទល់នឹងពេលនេះ ព្រះរាជាណាចក្រកម្ពុជាពុំទាន់មានច្បាប់ ស្តីពីការគ្រប់គ្រង
និងការធ្វើអាជីវកម្មប្រេងកាតនេះនៅឡើយ។

លោកសុន ឆ័យ បានសង្កត់ ធ្ងន់នៅក្នុងលិខិតនោះថា ដោយ មានព័ត៌មានមិនផ្លូវការជាច្រើន
បានបង្ហាញពីការចេញអាជ្ញាប័ណ្ណ រុករកប្រេងកាតនិងឧស្ម័នដោយ អាជ្ញាធរប្រេងកាត ដែលនៅ
ក្រោមការគ្រប់គ្រងរបស់ទីស្តី ការគណៈរដ្ឋមន្ត្រី និងការចេញ អាជ្ញាប័ណ្ណផ្សេងៗដោយក្រសួង
មួយចំនួនទៀត មានក្រសួង ឧស្សាហកម្មរ៉ែ និងថាមពល ជាដើមបានធ្វើឱ្យមានប្រាក់បង់
កម្រៃផ្សេងៗរាប់រយលានដុល្លារ ត្រូវបានបំបាត់ ឬពុំបានចូលជា ចំណូលរដ្ឋឱ្យបានត្រឹមត្រូវទេ៕