សម្តេចឪព្រះនរោត្តមសីហនុនិងព្រះមហាក្សត្រសៀមថ្វាយព្រះពរគ្នាទៅវិញទៅមក

ព្រះករុណា ព្រះបាទ សម្តេច ឪព្រះនរោត្តម សីហនុ ព្រះវររាជ បិតាជាតិ បានថ្វាយ ព្រះពរព្រះ
មហាក្សត្រសៀម ភូមិពល អាឌុលយ៉ាដេត ឱ្យមានសុខភាព ល្អ និងគង់ជាម្លប់ដ៏ត្រជាក់ដល់
ពលរដ្ឋថៃ ។

សម្តេចឪបានថ្វាយព្រះពរ ដល់ព្រះមហាក្សត្រសៀមដែល កំពុងមានប្រឈួនដ៏ទ្រុឌទ្រោម
នេះ ជាការឆ្លើយតប ទៅស្តេច សៀមភូមិពល អាតុលយ៉ាដេត ដែលបានថ្វាយព្រះពរ ដល់
ព្រះអង្គកាលពីចូលឆ្នាំសាកលនាពេលកន្លងទៅនេះ ។

សម្តេចឪ បានប្រកាសឱ្យដឹង នៃការថ្វាយព្រះពរគ្នានេះតាម រយៈ ព្រឹត្តិប័ត្រប្រចាំខែ ដែល
ហៅថា BMD ,ហើយព្រឹត្តិប័ត្រ ចុងក្រោយប្រចាំខែមីនា២០១០ នេះ ព្រះអង្គបានចុះផ្សាយជា
ថ្មីម្តងទៀត ដែលព្រះអង្គ បាន ផ្សាយតាម BMD កាលពីខែ មករា ឆ្នាំ២០១០ កន្លងទៅ ។

ស្តេចសៀមភូមិពល អាឌុល យ៉ាដេត បានថ្វាយព្រះពរ ព្រះ ករុណាព្រះនរោត្តម សីហនុ ឱ្យ
មានព្រះរាជសុខភាពល្អព្រះជន្ម យឺនយូរ និងគង់ជាម្លប់ ដ៏ត្រ ជាក់ដល់ប្រជារាស្ត្រខ្មែរ ។ ជា
មួយគ្នានោះដែរ ស្តេចសៀមក៏ បានថ្វាយព្រះពរ ដល់ស្តេច នៃ បណ្តាប្រទេសនានា លើពិភព
លោកផងដែរ ។ ប៉ុន្តែស្តេច សៀមមិនបានថ្វាយព្រះពរដល់ ព្រះមហាក្សត្រ ព្រះបរមនាថ
នរោត្តម សីហមុនី ដែលកំពុងគ្រងរាជសម្បត្តិសព្វថ្ងៃទេ ។

មន្ត្រីព្រះបរមរាជវាំង បាន ឱ្យដឹងថា សម្តេចឪព្រះនរោត្តម សីហនុ ក៏បានថ្វាយព្រះពរ ទៅ
ស្តេចសៀមវិញដែរ អោយព្រះ អង្គមានព្រះរាជសុខភាពល្អព្រះ ជន្មយឺនយូរ គង់ជាម្លប់ដ៏
ត្រជាក់ ដល់ប្រជារាស្ត្រសៀមហើយឱ្យ បានជាសះស្បើយ ពីរោគាពាធ និងរក្សាឱ្យបាន
នូវសុខសន្តិភាព ជូនប្រទេសនៅក្នុងតំបន់ ។

អ្នកវិភាគនិយាយថា នេះគឺ ជាការថ្វាយព្រះពរគ្នា ដ៏កម្រ មួយ រវាងស្តេចសៀម ជាមួយ
សម្តេចឪ ព្រះនរោត្តម សីហនុ ដែលជា ប្រទេសជិតខាង ភូមិ ផងរបងជាមួយគ្នា ។ ភាពមិន
ស្និទ្ធស្នាលជាមួយគ្នានេះ គឺនៅ បន្ទាប់ពីប្រទេសកម្ពុជាក្រោម ព្រះរាជកិច្ចដឹកនាំរបស់សម្តេចឪ
ក្នុងទសវត្សរ៍ឆ្នាំ១៩៦០ នៃ សម័យសង្គមរាស្ត្រនិយមដែល សម្តេចឪ ឈ្នះក្តីជាមួយសៀម ករណីប្រាសាទព្រះវិហារ ។

សាលក្រមតុលាការ ទីក្រុងឡាអេ ប្រទេសស្វីស កាលពី ថ្ងៃទី១៥ ខែមិថុនា ឆ្នាំ១៩៦២ បាន
ប្រកាសឱ្យកម្ពុជា ជាម្ចាស់ កម្មសិទ្ធិ នៃប្រាសាទព្រះវិហារ និងសាលក្រមនោះក៏បានបញ្ជា
ឱ្យទាហានសៀម ដកចេញ ពី ប្រាសាទព្រះវិហារ និងពីតំបន់ នៅជុំវិញនោះផងដែរ ។

រយៈពេលជាង៤០ឆ្នាំ កន្លង មកនេះ ទាហានសៀម និងជន ជាតិសៀម មិនហ៊ាន ទាមទារ
យកប្រាសាទព្រះវិហារ របស់ ខ្មែរ និងកងទ័ពរបស់គេ ក៏មិន ហ៊ានមកក្បែរ តំបន់ប្រាសាទ
ព្រះវិហាររបស់ខ្មែរដែរ ។

រយៈពេលជាង៤០ឆ្នាំនេះ គឺ ប្រទេសកម្ពុជាឆ្លងកាត់របបជា ច្រើន ដូចជា របបសង្គមរាស្ត្រ
និយមរបស់សម្តេចឪ នរោត្តម សីហនុ របប សាធារណរដ្ឋខ្មែរ របស់លោក សេនាប្រមុខ
លន់ នល់, របបខ្មែរក្រហម និងនៅ ក្នុងទសវត្សរ៍ ឆ្នាំ១៩៨០ ដែល មានទាហានតស៊ូ នៅតាម
តំបន់ ព្រំដែននោះ ពួកសៀមមិនហ៊ាន អះអាង និងពង្រាយកងទ័ព”នៅ ជាប់ព្រំដែន ជាមួយ
នឹងខ្មែរ ជាពិសេសតំបន់នៅក្បែរ ប្រាសាទ ព្រះវិហារនោះឡើយ ។

ប៉ុន្តែនៅថ្ងៃទី១៥ ខែកក្កដា ឆ្នាំ២០០៨ មួយសប្តាហ៍ បន្ទាប់ ពីអង្គការយូណេស្កូ ចុះបញ្ជី
ប្រាសាទព្រះវិហាររបស់ខ្មែរ ជាបេ តិកភ័ណ្ឌពិភពលោករួចមក ក៏ ស្រាប់តែសៀម បានលើក
ទ័ព មកដាក់ពង្រាយ នៅតំបន់ ជុំ វិញប្រាសាទព្រះវិហាររបស់ខ្មែរ ជាពិសេសតំបន់ ៤,៦គីឡូ
ម៉ែត្រការ៉េ ។ បញ្ហានេះ បានធ្វើឱ្យ ស្ថានការណ៍ នៅតំបន់ព្រំដែន រវាងប្រទេសទាំងពីរ តាន
តឹងរហូតសព្វថ្ងៃ ។

នៅក្នុងឱកាស បុណ្យចូលឆ្នាំ សាកលឆ្នាំនេះ ស្តេចសៀមភូមិ ពល អឌុលយ៉ាដេត ហាក់ដូច
ជាបំភ្លេចចោលនូវរឿងអាម៉ាស់ ដែលក្តីក្តាំជាមួយខ្មែរករណីប្រា សាទព្រះវិហារ កាលពីជាង៤០
ឆ្នាំមុន, ហើយបានផ្ញើចុតហ្មាយ ថ្វាយព្រះពរសម្តេចឪ នរោត្តម សីហនុ និងសម្តេចម៉ែ ដោយ
ថ្វាយព្រះពរអោយមានព្រះរាជ សុខភាពល្អ ។ ជាមួយគ្នានោះ ដែរ សម្តេចឪក៏បានថ្វាយព្រះពរ
ទៅស្តេចសៀមវិញ ដោយ អោយឆាប់ជាសះស្បើយដើម្បី បង្រួបបង្រួមផ្សះផ្សារជាតិ ឱ្យមាន
សន្តិភាព ជូនប្រទេសនៅ ក្នុងតំបន់អាស៊ី ។

ការថ្វាយព្រះពរគ្នា រាប់ខែ មកហើយ ក៏ប៉ុន្តែទើបត្រូវបាន សម្តេចឪប្រទាន អោយកូនចៅ
ចៅទូតរបស់ព្រះអង្គ បានដឹង តាមរយៈ ពំឌ នៅ ពេលនេះ ស្របពេលដែលបញ្ហា តានតឹង
នៅក្នុងប្រទេសសៀមបង្ហាញ អំពីសញ្ញាធូរស្រាល នៅពេល ដែល លោក អាប់ភីស៊ីត វាចា
ជីវ៉ា នាយករដ្ឋមន្ត្រីសៀមបាន កំណត់ពេល បោះឆ្នោតនៅខែ វិច្ឆិកា ឆ្នាំ២០១០ ខាងមុខ នេះ,
ហើយក្រុមបាតុករអាវក្រហម ក៏បានទទួលយកការកំណត់ ពេលបោះឆ្នោត របស់ លោក
អាប់ភីស៊ីតនេះដែរ ។ តែអ្វីកើត មានជាថ្មី នៅប្រទេសសៀម ក្រោយពេលបោះឆ្នោតនោះ
កំពុងស្ថិតនៅក្នុងការតាមដាន ពីមហាជននៃបណ្តាប្រទេស នានានៅលើពិភពលោក ។

ស្តេចសៀម ភូមិពល អាឌុលយ៉ាដេត ដែលមានព្រះជន្ម ៨២ព្រះវស្សានោះ ពោរពេញដោយ
ជម្ងឺទ្រុឌទ្រោម, ហើយ ព្រះអង្គបានចំណាយពេលច្រើន គង់នៅក្នុងមន្ទីរពេទ្យដើម្បីព្យាបាល
ព្រះរោគ ។

ចំណែកឯសម្តេចឪ នរោត្តម សីហនុ ដែលមានព្រះជន្ម ៨៨ ព្រះវស្សាហើយនោះ ព្រះអង្គ
មានព្រះរាជសុខភាពល្អ ហើយ អាចបញ្ចោញព្រះសូរសៀង ជូន ប្រជារាស្ត្រព្រះអង្គ និងក៏ដើម្បី
ចង់បញ្ជាក់ ទៅដល់មតិជាតិនិង អន្តរជាតិថា ព្រះអង្គ នៅមាន ព្រះសមត្ថភាព និងកម្លាំងព្រះ
កាយពល បំរើប្រទេសជាតិ និង ប្រជារាស្ត្ររបស់ព្រះអង្គបាន៕