អង្គការសិទ្ធិមនុស្សសាកលលោកផ្តល់រង្វាន់ជូនលោកស្រីមូរសុខហួរនៅថ្ងៃទី២៧ឧសភា

លោកស្រីមូរ សុខហួរ អ្នក តំណាងរាស្ត្រ គណបក្សសម រង្ស៊ី មណ្ឌលកំពត នឹងត្រូវបាន អង្គ
ការ សិទ្ធិមនុស្ស សាកលលោក ផ្តល់រង្វាន់ ជូន នៅថ្ងៃទី២៧ ខែ ឧសភា ឆ្នាំ២០១០ ខាងមុខនេះ
ហើយ ។ នេះ បើតាម ការផ្តល់ ដំណឹងតាមរយៈអ៊ីមែល អោយ លោកស្រី ដោយស្ថាប័នមួយ
នេះ ដោយ ផ្ទាល់ កាល ពីពេលថ្មីៗ កន្លងទៅ។

លោកស្រីមូរ សុខហួរ បាន ថ្លែងប្រាប់ ខ្មែរម្ចាស់ស្រុក តាម ទូរស័ព្ទ នៅថ្ងៃម្សិលមិញនេះថា
រង្វាន់នេះ គឺជារង្វាន់លើកទី៨ ដែលអង្គការ សិទ្ធិមនុស្សពិភព លោកមួយនេះ បានផ្តល់អោយ
ឥស្សរជន ដែលមានស្នាដៃផ្នែក សិទ្ធិមនុស្សស្តង់ដារអន្តរជាតិ ។

លោកស្រីមូរ សុខហួរ បាន ឈ្នះការបោះឆ្នោត តាមរយៈ អ៊ិនធ័រណិត ដែលមានបេក្ខជនបេក្ខនារី
ចំនួន៥៧នាក់ នៃបណ្តា ប្រទេសនានាក្នុងពិភពលោក។ បេក្ខជន បេក្ខនារីទាំងនោះសុទ្ធតែរងការ
រំលោភសិទ្ធិមនុស្ស ធ្ងន់ធ្ងរ ហើយការបោះឆ្នោតនេះ ប្រព្រឹត្តទៅ តាមបែបប្រជាធិបតេយ្យពិត
ប្រាកដ ។

លោកស្រីបានបន្តថា រង្វាន់នោះ មានជាប្រាក់ដុល្លារ និងពានរង្វាន់ដែលនឹងប្រព្រឹត្តធ្វើ នៅក្នុង
ទីក្រុងសាន់ហ្វ្រាន់ស៊ីស្កូ សហរដ្ឋអាមេរិក ។ ប៉ុន្តែលោកជាប់បេសកកម្មនៅកម្ពុជា មិន បានទៅ
ទទួលយករង្វាន់នោះដោយផ្ទាល់ទេ គឺលោកស្រីឱ្យកូនស្រីលោកស្រី ជាអ្នកទទួលយកជំនួស ។

លោកស្រីមូរ សុខហួរ បានមានប្រសាសន៍ថា ការផ្តល់ជូនជ័យលាភីឱ្យលោកស្រីនេះ គឺជា
លើកទី៨ហើយដែលអង្គការសិទ្ធិមនុស្សសាកលលោកមួយនេះ ផ្តល់តម្លៃឱ្យអ្នកដែលមានស្នាដៃ
ផ្នែកសិទ្ធិមនុស្សកម្រិត ស្តង់ដារអន្តរជាតិ ។ ដូច្នេះការទទួលបានរង្វាន់ របស់អង្គការមួយនេះ ក៏ជា
ការឆ្លុះបញ្ចាំងឱ្យឃើញថា គណបក្សសមរង្ស៊ី មានការទទួលស្គាល់ផ្នែកសិទ្ធិ មនុស្សកំរិតស្តង់ដារ
អន្តរជាតិហើយ។

ស្ថាប័ននេះ ត្រូវគេហៅថា ជាមូលនិធិសម្លេងអ្នកដែលមានសារៈសំខាន់ជាទីបំផុត ហើយបាន
ស្ថាបនាឡើង ដោយលោក ស្រីព្រឹទ្ធសមាជិក ហេឡារី គ្លីន តុន ដែលសព្វថ្ងៃ ជារដ្ឋមន្ត្រីក្រសួង
ការបរទេសអាមេរិក ។

ពិធីបោះឆ្នោតតាមរយៈអ៊ិនធ័រណិត ដែលបានធ្វើកាលពីថ្ងៃទី១៦ ដល់ថ្ងៃទី២៦ ខែមេសា ឆ្នាំ២០១០
កន្លងទៅនេះ គឺមានបេក្ខជន បេក្ខនារី ចំនួន៥៧នាក់ ក្នុងចំណោមប្រទេស ជាច្រើន នៅលើពិភព
លោក ។ ប៉ុន្តែអ្នក ទទួលបានសម្លេង គាំទ្រច្រើន ជាងគេគឺលោកស្រីមូរ សុខហួរ អ្នកតំណាងរាស្ត្រ
គណបក្សសម រង្ស៊ី មណ្ឌលកំពត និងស្ត្រីម្នាក់ទៀតជាអ្នកតំណាងរាស្ត្រ វ័យ ក្មេងជាងគេនៅប្រទេស
អាហ្វ ហ្គានីស្ថាន គឺលោកស្រី Malalai Joya ។

លោកស្រីមូរ សុខហួរ ទទួល បាន សម្លេងគាំទ្រ ចំនួន៨៧៥ សម្លេង, ឯលោកស្រី Malalai Joya ទទួលសម្លេងគាំទ្រ ចំនួន ៦៦១សម្លេង, ហើយអ្នកដែល ទទួលបាន សម្លេងបន្ទាប់ គឺជាបុរស
ទទួលបានសម្លេង ៣៥៣ សម្លេង ។

បើយោងតាម របាយការណ៍ នៃការបោះឆ្នោត ដែលការិយា ល័យយើងទទួលបាន បានឱ្យដឹង
ថា នៅថ្ងៃទី២៥ មេសាសម្លេងនាំមុខ ត្រូវបានទៅលើអ្នកស្រី Malalai Joya , ហើយនៅថ្ងៃ ចុង
បញ្ចប់លោកស្រីមូរសុខហួរនាំមុខវិញ ។

អ្នកដែលទទួលបានជ័យលាភីនេះ នឹងទទួលបានទឹកប្រាក់ ចំនួន១.០០០ដុល្លារ អាមេរិក ព្រម
ទាំងពានកិត្តិយសមួយមាន តម្លៃខ្ពស់បំផុត ដែលលោកស្រី មូរ សុខហួរ គឺជាស្ត្រីខ្មែរម្នាក់គត់
និងមុនគេទទួលបានមហា កិត្តិយសនេះ។ ពិធីប្រគល់រង្វាន់ នឹងប្រព្រឹត្តទៅ នៅថ្ងៃទី២៧ខែ
ឧសភា ឆ្នាំ២០១០ ។

លោកស្រីមូរ សុខហួរ បានទទួលមេដាយជាអ្នកដឹកនាំនៅ ទីក្រុងវ៉ាស៊ិនតោនពីមូលនិធិនេះកាល
ពីឆ្នាំ២០០៥ ។ នៅឆ្នាំ ២០០២ លោកស្រី បានកេណ្ឌ មនុស្ស ប្រមាណ១២.០០០នាក់ ដើម្បីឈរ
ឈ្មោះ ជាបេក្ខភាពក្រុមប្រឹក្សាឃុំ ដែលក្នុងនោះក៏មានស្ត្រីជាង៩០០នាក់បានជាប់ឆ្នោត, ហើយ
លោកស្រី នៅតែបន្តលើកកំពស់ និងលើកតម្កើង យ៉ាងសកម្មចំពោះបញ្ហាស្ត្រីនៅមូលដ្ឋាន ។

នៅក្នុងឆ្នាំដដែលនោះដែរ, លោកស្រីមូរ សុខហួរ បានសរសេរច្បាប់ និងចូលរួម អនុម័តច្បាប់
ប្រឆាំង និងការពារទប់ស្កាត់អំពើហិង្សាក្នុងគ្រួសារ។ ច្បាប់នោះបានដាក់ទោសទណ្ឌ យ៉ាងធ្ងន់ធ្ងរ
ទៅលើទង្វើទាំងឡាយណាដែលជាការរំលោភទៅលើស្ត្រី និងកុមារ ។

ការងារ របស់លោកស្រីមូរ សុខហួរ នៅកម្ពុជារួមមានការធ្វើយុទ្ធនាការផ្សព្វផ្សាយ ក្នុងចំណោម
បុរសដើម្បីបញ្ចប់អំពើ ហិង្សាក្នុងគ្រួសារ និងការ ឆ្លង រីករាលដាលនៃជម្ងឺអេដស៍ និង ការទាមទារ
សិទ្ធិដល់ស្ត្រី ដែលជាប្រធានសហគ្រាសនានា ។ ជាមួយគ្នានោះដែរលោកស្រី ក៏បានធ្វើច្បាប់
ជម្រុញអោយមានការអនុវត្តន៍ច្បាប់ការងារ ដែលផ្តល់ប្រាក់ខែសមរម្យ និង លក្ខខណ្ឌការងារ
ឱ្យមានសុវត្ថិភាពសម្រាប់កម្មករ កម្មការិនីរោងចក្រកាត់ដេរ ។ លោកស្រី ក៏បានជម្រុញ អោយ
មានការ អភិវឌ្ឍន៍ដល់សហគមន៍ ជន ទីទ័លក្រផងដែរ ។

សូមបញ្ជាក់ថាលោកស្រីមូរ សុខហួរ គឺជាស្ត្រីខ្មែរដំបូងគេ ទទួលបានពានរង្វាន់សិទ្ធិមនុស្ស
សាកលលោកមួយនេះ, ហើយ ជ័យលាភីនេះ មិនត្រឹមតែផ្តល់ កិត្តិយស ជូនស្ត្រីខ្មែរ និងគណ
បក្សសមរង្ស៊ីទេតែជាបានផ្តល់ កិត្តិយស ជូនដល់ស្ត្រីខ្មែរ ទាំង មូលទៀតផង។ ជាមួយគ្នានោះ
ពានរង្វាន់នេះ ក៏ជួយជម្រុញដល់ស្ត្រីខ្មែរគ្រប់រូប យល់កាន់ តែច្បាស់ អំពីសិទ្ធិសេរីភាព និង
ការរស់នៅក្នុងសង្គម ពិសេស យល់កាន់តែច្បាស់ អំពីសិទ្ធិនៃ ការការពារខ្លួន ពីការរំលោភ
បំពានពីអ្នកមានអំណាចមានលុយ៕