អាជ្ញាធរខេត្តសៀមរាបចាប់បានមន្ត្រីបំផ្លាញព្រៃឈើបាន២នាក់ទៀតហើយ

អាជ្ញាធរខេត្តសៀមរាប ចាប់មន្ត្រីបរិស្ថាន ឧទ្យាននរៈគូលែនព្រហ្មទេព ព្រៃស្អាក ចំនួន២នាក់
ពីបទ កាប់រាន ដី និង ចាត់ចែងដី ព្រៃរបស់រដ្ឋ។ ការចាប់ខ្លួននេះ ធ្វើឡើង តាមដីកា របស់តុលាការ ខេត្តសៀមរាប ឧត្តរមានជ័យ ដែលមន្ត្រី ទាំង២រូបនេះ ត្រូវគេ ស្គាល់ថា ជាមន្ត្រីតូច តាច ឯមេ ខ្លោង
ធំៗ នៅមិន ទាន់ឃើញ អាជ្ញាធរចាប់ខ្លួន នៅឡើយ ។

មន្ត្រីទាំង២នាក់នោះ មួយ មានឈ្មោះនួន ហៃ និងឈ្មោះ រុត រុំ ហើយពួកគេ ជាមន្ត្រីថ្នាក់ទាប
ប៉ុណ្ណោះ ។ អ្នកទាំង២ត្រូវ បានអាជ្ញាធរវាយខ្នោះ បណ្តើរ យកទៅសួរចម្លើយនៅតុលាការ ខេត្ត
សៀមរាប ឧត្តរមាន ជ័យ យ៉ាងប្រុងប្រយ័ត្ន ដោយ ចោទប្រកាន់ពីបទលក់ដីព្រៃឱ្យប្រជាពលរដ្ឋ
ខុសច្បាប់ ។

សេចក្តីរាយការណ៍បានឱ្យដឹងថា ការចាប់ខ្លួនេះ បានធ្វើ ឡើង កាលពីថ្ងៃទី៤ ខែឧសភា ឆ្នាំ២០១០
ម្សិលមិញ បន្ទាប់ពី ក្រុមអ្នកភូមិចំនួន៣នាក់ ដែល ត្រូវអាជ្ញាធរចាប់ខ្លួន ពីបទកាប់រានដីព្រៃខុស
ច្បាប់, ហើយអ្នក ភូមិទាំង៣នេះ បានឆ្លើយសារ ភាពថាពួកគាត់បានទិញដីពីមន្ត្រីបរិស្ថានប្រចាំតំបន់
នោះ ឈ្មោះរី ហេង ។ ប៉ុន្តែឈ្មោះរី ហេង មិន ទាន់ត្រូវបានសមត្ថកិច្ចចាប់ខ្លួននៅឡើយទេ បើទោះ
បីជាមាន ដីកាចាប់ខ្លួនហើយក៏ដោយ គឺ សមត្ថកិច្ច ចាប់បានតែអ្នកតូចតាចប៉ុណ្ណោះ ។

សកម្មភាព នៃការចាប់ខ្លួនមន្ត្រីបរិស្ថានឧទ្យាននរៈគូលែន ព្រហ្មទេពព្រៃស្អាក ចំនួន២នាក់ ពីបទ
កាប់រានដី និងចាត់ចែងដី ព្រៃរបស់រដ្ឋដោយខុសច្បាប់នេះ ទទួលបានការស្វាគមន៍លាយឡំដោយ
ពាក្យចំអក ។ ការចំ អកនោះនៅត្រង់ថា អ្នកធំដែល ពាក់ព័ន្ធ នឹងការហិនហោចព្រៃ ឈើដែរនោះ
បែរជាកាន់តែឡើង ធំ, ហើយអ្នកតូចតាចដែលខុស ច្បាប់ ដើម្បីបានផលប្រយោជន៍ តិចតួចបែរជា
មានទោសរហូត ដល់ទៅជាប់ពន្ធនាគារ ។

លោកវណ្ណ សុផាន់ណា មន្ត្រី រដ្ឋបាលព្រៃឈើ នៅផ្នែកតំបន់សមុទ្រ ក៏ល្បីឈ្មោះតាំងពីគាត់ គ្រប់គ្រង តំបន់ព្រៃឈើ នៅ ខេត្តមួយចំនួន ជាប់នឹងបឹងទន្លេ សាប ត្រូវបានអាជ្ញាធរឃាត់ខ្លួន
មួយដង្ហើមចង្រិត កាលពី ដើមខែមេសា ឆ្នាំ២០១០ ក៏ ដោះលែង ឱ្យនៅក្រៅឃុំវិញ ។

លោកទី សុគន្ធ ជាអគ្គនាយក រដ្ឋបាលព្រៃឈើដែលធ្វើអោយ ព្រៃឈើហិនហោចនោះ ក៏មិន
ត្រូវបានច្បាប់ផ្តន្ទាទោសទេ តែ ត្រូវបានលោកហ៊ុន សែន តម្លើង តួនាទីឱ្យទៀតផង ។ បញ្ហានេះ
ហើយ បានជាមានពាក្យរិះគន់ ថា អ្នកធំដែលពាក់ព័ន្ធ នឹងការ កាប់ឈើបានឡើងធំ ឯអ្នកតូច
ជាកូនចៅ រកកម្រៃគ្រាន់តែឱ្យ អ្នកធំ និងចិញ្ចឹមឆ្នាំង បែរជា មានទោស ជាប់គុកទៅវិញ ។

នៅក្នុងព្រឹត្តិការណ៍ នៃការ ឆែកឆេរឃ្លាំងស្តុកឈើនៅខេត្ត សៀមរាប កាលពីពេលថ្មីៗនេះ មាន
ឃ្លាំងខ្លះ គឺជារបស់ឧកញ៉ា សុខ គង់,ឧកញ៉ាឡៅ ម៉េងឃីន សមាជិកព្រឹទ្ធសភា គណបក្ស ប្រជាជន,
ឧកញ៉ាអាំង ទ្រី ថៅ កែស្រាបៀរថៃហ្គ័រ ព្រមទាំង ឧកញ៉ា មួយចំនួនទៀត នៅទី ក្រុងភ្នំពេញ និង
ខេត្តកំពង់ចាម ដែលសព្វថ្ងៃនេះ អ្នកធំនិងអ្នក មានមុខមាត់ទាំងនោះ ស្ថិតនៅ ក្រៅសំណាញ់ច្បាប់
នៅឡើយ។

ការនៅក្រៅ សំណាញ់ច្បាប់ នេះ ដោយសារតែ មន្ត្រីពាក់ព័ន្ធនិយាយជាសាធារណៈថា ឃ្លាំងស្តុក
ឈើរបស់ឧកញ៉ាសុខ គង់ និងឧកញ៉ាឡៅ ម៉េងឃីនស្របច្បាប់ ។

ប៉ុន្តែលោកទី សុគន្ធ ដែល គ្មានសមត្ថភាព កាលពីកាន់តំ ណែង ជាអគ្គនាយក រដ្ឋបាល ព្រៃឈើ
បណ្តាលឱ្យមានបទ ល្មើសកាប់ឈើយ៉ាងរង្គាលបែរ ជា គ្មានទោសហើយ ត្រូវបាន លោកហ៊ុន
សែន តម្លើងបុណ្យ ឱ្យទៀត ។ បញ្ហានេះ បានកើត ចេញជាសំណួរថា តើនៅស្រុកខ្មែរ ឱ្យតែអ្នក
ធំធ្វើខុសគ្មាន ទោសហើយ ឡើងធំទៀត ឯ អ្នកតូច មានកំហុសតិចតួចជាងអ្នកធំផងមានទោស
រហូតដល់ ទៅជាប់គុកទៅវិញ ។

ដូច្នេះ លោកនួន ហៃ និង ឈ្មោះរុត រុំ មន្ត្រីបរិស្ថានឧទ្យាននរៈគូលែន ព្រហ្មទេពព្រៃស្អាកនេះ
ពិតជាសំណាងអាក្រក់ ដូច មន្ត្រីតូចតាចផ្សេងទៀតដែរ ពី ព្រោះអ្នកដែលធ្លាប់ល្បីល្បាញ ក្នុងការ
បំផ្លាញព្រៃឈើ និងរានដីរដ្ឋនៅតំបន់នោះ ដូចជាលោក វណ្ណ សុផាន់ណា បែរជាគ្មាន ទោសទៅ
វិញ ។

បញ្ហានេះ បានជាមានគេរិះ គន់ថា នៅស្រុកខ្មែរយើងច្បាប់ មិនហ៊ានផ្តន្ទាទោសអ្នកធំ និង អ្នក
មានប្រាក់ទេ ។ សម្រាប់ អ្នកក្រីក្រវិញ កុំថាឡើយកាប់ ឈើ ស្តុកឈើគ្រាន់តែស៊ីឈ្នួល កាប់ឈើ
ឱ្យថៅកែ យាមឃ្លាំង ស្តុកឈើឱ្យឧកញ៉ាក៏មានទោស ដែរ គឺអាជ្ញាធរចាប់វាយខ្នោះ និងថតបញ្ចាំង
តាមស្ថានីយ៍ទូរ ទស្សន៍ បង្អួតឱ្យមហាជន បាន ឃើញថា ពួកគេបង្ក្រាប បទ ល្មើសព្រៃឈើ មាន
ស្នាដៃយ៉ាងអស្ចារ្យ៕