អាជ្ញាធរខ្មែរចាប់ខ្លួនអ្នកភូមិ៧នាក់ដែលប្រឆាំងនឹងក្រុមហ៊ុន យួនយកដីពួកគាត់

គ្រឿងចក្ររបស់ក្រុមហ៊ុនយួនដែលត្រូវប្រជាពលរដ្ឋដុតបំផ្លាញ

គិតត្រឹមថ្ងៃទី២០ ខែវិច្ឆិកា ឆ្នាំ២០០៩ ម្សិលមិញនេះ សមត្ថកិច្ចខេត្តកំពង់ធំចាប់ បានអ្នកភូមិចំនួន៧នាក់ហើយ នៅក្នុងគំរោងចាប់ខ្លួនចំនួន២០នាក់ ដែលបាន បំផ្លាញទ្រព្យសម្បត្តិរបស់ក្រុមហ៊ុនយួន។ ព្រឹត្តិការណ៍ដែលឈានដល់មានការ ប្រើអំពើហិង្សា បានកើតឡើងកាលពីថ្ងៃទី១៦ វិច្ឆិកា ២០០៩ គឺនៅពេលដែល អ្នកភូមិការពារដីកម្មសិទ្ធិរបស់ពួកគាត់ ដែលបណ្តាលឲ្យសន្តិសុខក្រុមហ៊ុន ប្រើអំពើហិង្សា ហើយបញ្ឆោះកំហឹងធ្វើឲ្យអ្នកភូមិដុតបំផ្លាញទ្រព្យសម្បត្តិក្រុម ហ៊ុន ដែលក្នុងនោះមានរថយន្តនិងម៉ូតូ១០គ្រឿងផងដែរ។

លោក ឆេង សុភ័ស្ត មន្ត្រីអង្គការសិទ្ធិមនុស្សលីកាដូបានឲ្យដឹងថា ជម្លោះរវាង អ្នកភូមិជាមួយក្រុមហ៊ុនបានធ្វើឲ្យសមត្ថកិច្ចប្រដាប់អាវុធឡោមព័ទ្ធអ្នកភូមិជាច្រើនថ្ងៃមកហើយ និងនៅថ្ងៃម្សិលមិញ អ្នកភូមិរាប់ពាន់គ្រួសារនោះ កំពុងតែ ប្រឈមទៅនឹងការអត់ចំណីអាហារ។

ក្រុមហ៊ុនយួនឈ្មោះ Tin Bien គ្រោងនឹងបង្កើតចំការកៅស៊ូលើផ្ទៃដីទំហំ៨ពាន់ ហិកតានៅភូមិគ្រយា ឃុំគ្រយា ស្រុកសន្ទុក ខេត្តកំពង់ធំ ដែលជាដីសម្បទាន ពីរាជរដ្ឋាភិបាលកាលពីឆ្នាំ២០០៧។ ប៉ុន្តែអ្នកភូមិប្រហែល១.៧៥គ្រួសារ និយាយថា ដីនៅតំបន់នោះជារបស់ពួកគាត់ ដែលទទួលបានកម្មសិទ្ធិស្រប ច្បាប់ក្នុងមួយគ្រួសារ៣០ម x ៥០០ម នៅលើផ្ទៃដីទំហំសរុបចំនួនមួយម៉ឺនហិក តាដែលសមាគមអភិវឌ្ឍន៏យោធិនពិការបានចែកឲ្យពួកគាត់៕