លោក សម រង្ស៊ី ៖ គេប្រើសន្និសញ្ញានិងបច្ចេកទេសវាស់ ព្រំដែនឡប់ឡែឲ្យយួនយកដីខ្មែររាប់ពាន់គីឡូម៉ែត្រការ៉េ

លោក សម រង្ស៊ី មេដឹកនាំគណបក្សសមរង្ស៊ី

លោក សម រង្ស៊ី សមាជិកសភាកម្ពុជា និងជាប្រធានគណបក្សសមរង្ស៊ីបាន មានប្រសាសន៍ថា មូលហេតុដែលធ្វើឱ្យប្រទេសកម្ពុជាបាត់បង់ដីច្រើនពាន់ គីឡូម៉ែត្រការ៉េតាមបណ្តោយព្រំដែនជាមួយយួននោះ មកពីមេដឹកនាំកម្ពុជា ប្រើប្រាស់កិច្ចព្រមព្រៀងឡប់ឡែ និងការវាស់វែងឡប់ឡែ។

លោក សម រង្ស៊ី បានមានប្រសាសន៍ពីប្រទេសបារាំងកាលយប់ថ្ងៃទី១៩ ខែ វិច្ឆិកាអំពីមូលហេតុនៃការខាតបង់ទឹកដីកម្ពុជាយ៉ាងច្រើននេះថា «ដោយសារ តែឡប់ឡែផ្លូវច្បាប់ដែលគេសំអាងលើសន្ធិសញ្ញាព្រំដែន ដោយរបបសាធារណ រដ្ឋប្រជាមានិតកម្ពុជា និងរដ្ឋកម្ពុជាបានចុះហត្ថលេខាលើសន្និសញ្ញាព្រំដែនឆ្នាំ១៩៨២ ១៩៨៣ និង ១៩៨៥ » ជាមួយរដ្ឋាភិបាលយួនហាណូយ។

ក្រៅពីអធិប្បាយខាងលើ ដោយប្រើពាក្យថា ជាឡប់ឡែ នោះ លោក សម រង្ស៊ី បានបន្តថ្លែងអះអាងអំពីចំណុចដែលលោកប្រើពិពណ៌នាមួយទៀតថា «ឡប់ឡែមួយទៀតនោះគឺធ្វើបច្ចេកទេស។ គេយកមូលហេតុមូលដ្ឋានបច្ចេកទេសថា វាស់វែងចុះ វាស់វែងឡើង ប្រជារាស្ត្រខ្មែរនិយាយថា ការ វាស់វែងចុះឡើងនោះ ធ្វើឱ្យដីខ្មែរខាតបង់ជានិច្ច»។

លោក សម រង្ស៊ី កាលពីថ្ងៃទី១៩ ខែវិច្ឆិកា បានផ្ញើលិខិតជូនជនរួមជាតិខ្មែរ ដោយធ្វើការចោទប្រកាន់ថា រយៈពេលជាង៣០ឆ្នាំនៃអំណាចត្រួតត្រាប្រទេស របស់លោក ហ៊ុន សែន នៅកម្ពុជា ដីខ្មែរតាមបណ្តោយព្រំដែនជាមួយយួនបាន បាត់បង់អស់រាប់ពាន់គីឡូម៉ែត្រការ៉េទៅក្នុងការកាន់កាប់របស់យួន។

លោកបានបន្តថ្លែងរិះគន់ទៀតថា នយោបាយដឹកនាំប្រទេសដោយលោក នាយករដ្ឋមន្ត្រី ហ៊ុន សែន កំពុងតែជាល្បែងនយោបាយដ៏គ្រោះថ្នាក់សម្រាប់ ប្រទេសកម្ពុជា។

លោក វ៉ា គឹមហុង បានអះអាងក្នុងនាមជាប្រធានគណៈកម្មការព្រំដែនកម្ពុជា ជាមួយប្រទេសជិតខាង អំពីការបោះបង្គោលតម្រុយដូចជានៅបង្គោលល័ក្ស លេខ១៨៥ ដែលគាត់បានអះអាងថា ជាតម្រុយបណ្តោះអាសន្ននោះ គាត់នៅ មិនអាចពន្យល់បញ្ជាក់បានឱ្យប្រជារាស្ត្រខ្មែរអស់ចម្ងល់នោះទេថា ហេតុអ្វីក៏ ក្រុមបច្ចេកទេសការងារព្រំដែននេះ វាស់វែងចុះឡើងក៏ស្រាប់តែនាំគ្នាឆ្លង ប្រឡាយយុទ្ធសាស្ត្រមកទិសខាងលិច បោះបង្គោលដាំកណ្តាលដីស្រែរបស់ ប្រជារាស្ត្រខ្មែរទៅវិញនោះឡើយ៕