លោក វ៉ា គឹមហុង ថា ត្រង់តំបន់ខ្លះដីខ្មែរលយចូលដីយួន

បញ្ហាបូរណភាពទឹកដីព្រំដែន រវាងប្រទេសកម្ពុជាជាមួយប្រទេសជិតខាងនៅ​តែជាកង្វល់បារម្ភទូទៅរបស់ជនជាតិខ្មែរទាំងប្រជារាស្ត្រខ្មែរម្ចាស់ដីស្រែតាម តំបន់ជាយដែនទាំងខ្មែរមជ្ឈដ្ឋានផ្សេងៗក្នុងប្រទេសកម្ពុជា និងនៅក្រៅប្រទេស ក៏ដូចជាពួកអ្នកសង្កេតការណ៍អន្តរជាតិ ជាពិសេសដោយសារគណបក្សប្រជា ជនកំពុងកាន់អំណាចនៅកម្ពុជាមិនឱ្យតម្លៃលើកិច្ចព្រមព្រៀងសន្តិភាពក្រុង ប៉ារីស ២៣ តុលា ១៩៩១ ដែលជាសន្ធិសញ្ញាអន្តរជាតិដ៏មានប្រសិទ្ធិភាពដើម្បី ជួយកម្ពុជាពីការរំលោភបំពានដោយប្រទេសជិតខាងនោះ។

នៅក្នុងកម្មវិធីវេទិកាវិទ្យុអាស៊ីសេរីផ្សាយកាលពីយប់ថ្ងៃសុក្រ ដែលមានលោក វ៉ា គឹមហុង ប្រធានគណៈកម្មការព្រំដែនកម្ពុជាជាមួយប្រទេសជិតខាងធ្វើជាវា គ្មិននោះ មន្ត្រីជាន់ខ្ពស់រូបនេះបាននិយាយទម្លាក់កំហុសជាទូទៅលើប្រទេស បារាំងកាលក្នុងសម័យប្រទេសនេះជាអាណាព្យាបាលកម្ពុជាហើយបានគូស ផែនទីតាមពាក្យរបស់លោក វ៉ា គឹមហុង ថាមិនច្បាស់លាស់។ មិនតែប៉ុណ្ណោះ ទេ លោក វ៉ា គឹមហុង ក្នុងនាមជាមន្ត្រីជាន់ខ្ពស់រដ្ឋាភិបាលក៏នៅបានថ្លែងដូចជា ចង់ភ្ជាប់ការបន្ទោសលើមេដឹកនាំកម្ពុជាក្នុងអំឡុងសម័យសង្គមរាស្ត្រនិយមផង ដែរអំពីការមិនបានគិតគូររឿងផែនទីតំបន់ភូមិសាស្ត្រនេះជាក់ស្តែងនៅក្រោយ កម្ពុជាបានឯករាជ្យពីបារាំងក្នុងឆ្នាំ១៩៥៣នោះ។

លោក វ៉ា គឹមហុង បាននិយាយអំពីការដែលរបបអាណាព្យាបាលបារាំងបាន ទុកផែនទីចំនួន២៦ផ្ទាំងនៃតំបន់ខ្សែព្រំដែនកម្ពុជាជាមួយប្រទេសយួនតាម បណ្តោយខេត្តខ្មែរចំនួន៩តាំងពីខេត្តរតនគិរី រហូតដល់ខេត្តកំពត។ គាត់បាន លើកសំណួរថា «តើបារាំងដឹងថា ភូមិស្រែបងប្អូននៅត្រង់ណាទេ? តើខ្សែ ព្រំដែននេះវាដើរតាមវាលស្រែបងប្អូនទេ? វាអត់ដឹងថាកាត់ស្រែបងប្អូនទេ ជួន កាលវៀតណាមចូលមកខាងយើង ជួនកាលយើងចូលមកខាងវៀតណាម។ ផែនទីអត់ត្រឹមត្រូវ (Sic!)»៕