រួមគ្នាដុតភ្លើងទៀនដើម្បីយុត្តិធម៌នៅមុខតុលាការក្រុងភ្នំពេញ

នៅថ្ងៃទី២២ កក្កដា ២០០៩ គណបក្សសមរង្ស៊ីបានចេញលិខិតមួយជាសាធារណៈដែលមានចំណងជើងថា «រួមគ្នាដុត ទៀនដើម្បីយុត្តិធម៌» និងក៏អំពាវនាវដល់ប្រជាពលរដ្ឋខ្មែរដែលធ្លាប់រងគ្រោះយ៉ាងអយុត្តិធម៌ដោយសារតុលាការមិនឯក រាជ្យខ្មែរចូលរួមដុតទៀន នៅថ្ងៃទី២៤ កក្កដា ជាថ្ងៃដែលតុលាការក្រុងភ្នំពេញបើកសវនាការករណីលោកស្រី មូរ សុខហួរ។

ខ្លឹមសារនៃលិខិតបានសរសេរថា នៅថ្ងៃសុក្រ ទី២៤ ខែកក្កដា ឆ្នាំ២០០៩ អ្នកតំណាងរាស្រ្តគណបក្សសមរង្ស៊ីលោកស្រី មូរ សុខហួរ នឹងទៅប្រឈមមុខក្នុងសវនាការនៅតុលាការរាជធានីភ្នំពេញ ដោយគ្មានមេធាវីការពារក្តី។

អ្នកតំណាងរាស្រ្ត មូរ សុខហួរ បានបាត់បង់សិទ្ធិការពារខ្លួនតាមផ្លូវតុលាការដូចមានចែងក្នុងរដ្ឋធម្មនុញ្ញ ដោយសារមេ ធាវីដែលអ្នកតំណាងរាស្រ្តរូបនេះបានជ្រើសរើសអោយជួយការពារក្តីនោះ មិនហ៊ានធ្វើជាមេធាវីការពារអ្នកតំណាង រាស្រ្តនៃគណបក្សប្រឆាំងតទៅទៀត ដោយបានទទួលរងសម្ពាធ និងការគំរាមកំហែងដ៏ធ្ងន់ធ្ងរ។

គណបក្សសមរង្ស៊ីសូមអំពាវនាវជាឪឡារឹកដល់បងប្អូនប្រជារាស្រ្តគ្រប់ៗរូបដែលធ្លាប់ទទួលរងគ្រោះដោយប្រព័ន្ធតុលា ការដែលគ្មានឯករាជ្យ និងអព្យាក្រឹត និងសូមអំពាវនាវដល់ប្រជារាស្រ្តដែលចង់អោយប្រទេសកម្ពុជាមាននីតិរដ្ឋ ប្រព័ន្ធ តុលាការមួយមិនពុករលួយ និងឯករាជ្យ សូមមកចូលរួមជាមួយនឹងយើងខ្ញុំដោយ ៖ ដុតទៀនដើម្បីទាមទារយុត្តិធម៌, អញ្ជើញមកជាសាក្សីក្នុងសវនាការអ្នកតំណាងរាស្រ្ត មូរ សុខហួរ ដែលនឹងប្រព្រឹត្តទៅនៅតុលាការរាជធានីភ្នំពេញនាថ្ងៃ ទី២៤ កក្កដា ២០០៩ វេលាម៉ោង ៧ និង៣០នាទីព្រឹក៕