រដ្ឋសភាលើកពលដកអភ័យឯកសិទ្ធិមូរសុខហួរ ទៅថ្ងៃចន្ទចំពេលចេញទៅក្រៅប្រទេស

រដ្ឋសភានៃប្រទេសកម្ពុជាបានពន្យារពេលដកអភ័យឯកសិទ្ធិសភារបស់លោកស្រី មូរ សុខហួរ កាល ពីសម័យប្រជុំពេញអង្គថ្ងៃទី១៩ មិថុនា ទៅថ្ងៃចន្ទ ទី២២ មិថុនា ឆ្នាំ២០០៩វិញ គឺចំថ្ងៃដែលលោកស្រី ចេញពីកម្ពុជាទៅបំពេញទស្សនៈកិច្ចនៅក្រៅប្រទេស។ ប៉ុន្តែលោកស្រីនឹងវិលត្រឡប់មកកម្ពុជាវិញ នៅដើមខែកក្កដា ប្រឈមជាមួយនឹងតុលាការពាក់ព័ន្ធនឹងបណ្តឹងរបស់លោក ហ៊ុន សែន។

លោកស្រី មូរ សុខហួរ បានថ្លែងរិះគន់តុលាការក្រុងភ្នំពេញដែលចាត់ការតែបណ្តឹងរបស់លោក ហ៊ុន សែន ដែលបានប្តឹងលោកស្រី ឯបណ្តឹងលោកស្រីប្តឹងលោក ហ៊ុន សែន វិញត្រូវតុលាការមិនចាត់ការ ដែលចំណាត់ការតុលាការនេះត្រូវលោកស្រីចាត់ទុកថា មិនយុត្តិធម៌។

លោកស្រី មូរ សុខហួរ បានមានប្រសាសន៏ថា «តុលាការធ្វើទៅតាមបញ្ជា នៃករណីរបស់សម្តេច នាយកដែលចោទទៅលើខ្ញុំទៅវិញទេ ហើយដូចជាអត់មានឃើញមានការស៊ើបអង្កេតដែលសម្តេច បានមានប្រសាសន៏ច្បាស់ណាស់ថា នៅខេត្តកំពតមានស្រ្តីជើងខ្លាំងឪបគេពេលឃោសនា ហើយទៅ ប្រជុំគេអត់ហៅផង ក៏ខ្លួនចូលដែរ។ ធាតុទាំងអស់នេះយើងយកមកផ្សុំបានហើយ។ មាត្រា៣៦ នៃ ច្បាប់ព្រហ្មទណ្ឌអន្តរកាលបានចែងហើយ គឺមិនបាច់បញ្ចេញឈ្មោះទេ ធាតុផ្សុំទាំងប៉ុន្មានគេយកមក ចោទប្រកាន់បាន»៕