ស៊ានប៉េងសែថា មកពីរដ្ឋាភិបាលកម្ពុជាមិនហ៊ាន ប្តឹងតវ៉ាបានជាសៀមប្រើល្បិចចាស់

លោក ស៊ាន ប៉េងសែ ប្រធានគណៈកម្មាធិការព្រំដែនកម្ពុជាដែលមានមូលដ្ឋាននៅទីក្រុងប៉ារីស ប្រទេសបារាំង និងធ្វើសកម្មភាពក្នុងបុព្វហេតុការពារបូរណភាពទឹកដីកម្ពុជាសល់ចុងក្រោយបាន អធិប្បាយថា បានជាសៀមហ៊ានបង្កើតរឿងថ្មីនៅតំបន់ប្រាសាទព្រះវិហារ មកពីសៀមឃើញមេដឹក នាំខ្មែរដូចជាចាញ់ល្បិចសៀមមិនហ៊ានប្តឹងទៅអង្គការសហប្រជាជាតិ ឫវេទិកាអន្តរជាតិនានាក្រោយ ពីសៀមបានលើកទ័ពចូលលុកលុយទឹកដីខ្មែរក្បែរព្រំដែនតំបន់ប្រាសាទព្រះវិហារ។

លោក ស៊ាន ប៉េងសែ បានអធិប្បាយពន្យល់តាមកំណត់ប្រវត្តិសាស្រ្តក៏ដូចជាយោងផ្អែកលើសាល ក្រមតុលាការយុត្តិធម៌អន្តរជាតិក្រុងឡាអេស្តីពីប្រាសាទព្រះវិហារ និងតំបន់ជុំវិញនោះថា អ្វីដែល សៀមកំពុងប្រព្រឹត្តចង់បានប្រាសាទព្រះវិហារ វាជាផ្លូវចាស់ដែលសៀមធ្លាប់បានដើរទោះបីជាសៀម បានចាញ់ក្តីនៅតុលាការក្រុងឡាអេកាលពីឆ្នាំ១៩៦២ក៏ដោយ។

ការថ្លែងរបស់លោកធ្វើឡើងបន្ទាប់ពីការប្រកាសរបស់នាយករដ្ឋមន្រ្តីសៀម អាប់ភីស៊ីត វាចាជីវ៉ា និយាយពីរដ្ឋាភិបាលសៀមមានគម្រោងប្តឹងតវ៉ាជំទាស់នឹងសេចក្តីសម្រេចរបស់យូណេស្កូដែលបាន ដាក់ប្រសាទព្រះវិហារជាបេតិកភណ្ឌពិភពលោកនៅក្រុងកេបិចថ្ងៃទី៧ កក្កដា ឆ្នាំ២០០៨៕