ផៃស៊ីផានក្លាយជាអ្នកល្បីនៅគណៈរដ្ឋមន្រ្តី

លោក ផៃ ស៊ីផាន រដ្ឋលេខាធិការទីស្តីការគណៈរដ្ឋមន្រ្តី នៃរដ្ឋាភិបាលអាណត្តិទី៤ និងជាអ្នកនាំពាក្យ ស្ថាប័ននេះ កំពុងក្លាយជាតារាដ៏លេចធ្លោហើយក្នុងរយៈពេលចុងក្រោយនេះ ខាងចេញមុខការពារ មុខមាត់មន្រ្តីខ្មែរដែលទទួលរងនូវការរិះគន់ថាពាក់ព័ន្ធនឹងអំពើពុករលួយ។

នៅពេលដែលអង្គការជាតិ និងអន្តរជាតិកំពុលមើលឃើញថា រដ្ឋាភិបាលលោក ហ៊ុន សែន សព្វថ្ងៃ កំពុងដើរទៅរករបបផ្តាច់ការ និងបំបិទមាត់អ្នកប្រឆាំងនោះ លោក ផៃ ស៊ីផាន បាននិយាយថា មាន តែមនុស្សដែលមកពីព្រៃ និងគណបក្សប្រឆាំងប៉ុណ្ណោះដែលថារដ្ឋាភិបាលបិទមាត់អ្នករិះគន់។

សម្តីលោក ផៃ ស៊ីផាន នេះស្របពេលដែលលោកនាយករដ្ឋមន្រ្តី ហ៊ុន សែន ប្តឹងផ្តល់គ្នាជាមួយ លោកស្រី មូរ សុខហួរ អ្នកតំណាងរាស្រ្តីគណបក្សសមរង្ស៊ីមណ្ឌលកំពត ហើយក៏ស្របពេលដែល មេធាវីរដ្ឋាភិបាលប្តឹងកាសែត ខ្មែរម្ចាស់ស្រុក ដែលគេមើលឃើញថា ក្នុងគោលបំណងចង់បំបិទ សម្លេងអ្នករិះគន់៕