ប្រធានគណបក្សសមរង្ស៊ី និងគណបក្ស សិទ្ធិ មនុស្ស បង្ហាញ ជំហ រួមគ្នា ដើម្បី ធ្វើ អោយ លទ្ធិប្រជាធិបតេយ្យ នៅ កម្ពុជា ប្រសើរឡើង

លោក សម រង្ស៊ី ប្រធានគណបក្សសមរង្ស៊ី និងលោក កឹម សុខា ប្រធានគណបក្សសិទ្ធិ មនុស្សបាន បង្ហាញវត្តមានរបស់លោកនៅទីស្នាក់ការវិទ្យាស្ថានជាតិដើម្បីលទ្ធិប្រជាធិប តេយ្យ (NDI) ក្នុងរដ្ឋធានី វ៉ាស៊ីនតោន និងបានថ្លែងសុន្ទរកថាអោយអ្នកចូលរួមកាន់តែដឹងច្បាស់ថែមទៀតថា គណបក្សប្រឆាំង កំពុងធ្វើការយ៉ាងសកម្មដើម្បីលទ្ធិប្រជាធិបតេយ្យ នៅក្នុងប្រទេសកម្ពុជា។

នេះជាលើកទី១ហើយដែលមានមេដឹកនាំគណបក្សប្រឆាំងចំនួន២បានថ្លែងរួមគ្នានៅក្នុង សហរដ្ឋ អាមេរិក។ ជាមួយគ្នានេះលោក សម រង្ស៊ី ប្រធានគណបក្សសមរង្ស៊ីបានមាន ប្រសាសន៍ថា លោកចង់ អោយប្រជាពលរដ្ឋខ្មែរជាទូទៅនៅសហរដ្ឋអាមេរិកយល់កាន់តែ ច្បាស់ថែមទៀតពីទង្វើរបស់អ្នកកាន់ អំណាចនៅកម្ពុជាដែលកំពុងសាបព្រួសមកលើគណបក្សប្រឆាំង។