ប្រតិភូអ្នកតំណាងរាស្ត្រគណបក្សសមរង្ស៊ីចំនួន២៥រូបស្នើសុំតុលាការចូល ជួបមាសស្រីនិងព្រំជានៅពន្ធនាគារខេត្តស្វាយរៀង

ប្រតិភូ អ្នកតំណាងរាស្ត្រ គណបក្ស សម រង្ស៊ី ចំនួន ២៥រូប បានស្នើទៅ ប្រធានសាលាដំបូង ខេត្ត ស្វាយ រៀងរួចហើយ ដើម្បីសុំចូលជួប សួរសុខទុក្ខ លោកស្រី មាស ស្រី និង លោក ព្រំ ជា ដែល កំពុង ជាប់ឃុំ នៅពន្ធនាគារ ខេត្តស្វាយរៀង។

យោងតាមលិខិតមួយច្បាប់ ដែលចុះហត្ថលេខាដោយលោកស្រី កែ សុវណ្ណរតន៍ អ្នកតំណាងរាស្ត្រ
មណ្ឌលសៀមរាប និងជាអគ្គលេខាធិការគណបក្សសម រង្ស៊ីកាលពីពេលថ្មីៗនេះបានឱ្យដឹងថា នៅ
វេលាម៉ោង១០ព្រឹកនាថ្ងៃទី១៨ខែឧសភាឆ្នាំ២០១០ ប្រតិភូអ្នកតំណាងរាស្ត្រគណ បក្សសមរង្ស៊ីចំនួន
២៥រូបនឹងចូលជួបសួរសុខទុក្ខលោកស្រី មាស ស្រី និងលោក ព្រំ ជា ដែលជា ប្រជាកសិករនៅភូមិ
កោះក្បានកណ្តាល ឃុំសំរោង ស្រុកចន្ទ្រា ខេត្តស្វាយរៀង,ហើយបច្ចុប្បន្នកំពុងជាប់ឃុំឃាំងនៅ
ពន្ធនាគារខេត្តស្វាយរៀង។

លិខិតរបស់អគ្គលេខាធិការគណបក្សសមរង្ស៊ីបានបញ្ជាក់យ៉ាងដូច្នេះថា «លោកស្រីមាស ស្រី និង
លោក ព្រំ ជា ជាប្រជាកសិកររបស់នៅភូមិកោះក្បានកណ្តាល ឃុំសំរោង ស្រុកចន្ទ្រា ខេត្តស្វាយ
រៀង ដែលត្រូវបានសាលាដំបូងខេត្តស្វាយរៀងចោទប្រកាន់ និងផ្តន្ទាទោសពីបទធ្វើឱ្យខូចខាត
ដោយចេតនា នូវតម្រុយបង្គោលព្រំដែនលេខ១៨៥កាលពីថ្ងៃទី២៧ខែមករា ឆ្នាំ២០១០»។

លិខិតដដែលនេះបានបន្តទៀតថា សំណុំរឿងនេះត្រូវ បានបញ្ជូនទៅសាលាឧទ្ធរណ៍រួចហើយ។
ដូច្នេះអ្នកតំណាងរាស្ត្រគណបក្សសមរង្ស៊ីដែលមានបញ្ជីឈ្មោះចំនួន២៥រូបស្នើសុំចូលជួបលោកស្រី
មាស ស្រី និងលោក ព្រំ ជា ដើម្បីសួរសុខទុក្ខនៅពន្ធនាគារខេត្តស្វាយរៀងនោះ នឹងប្រព្រឹត្តទៅនៅ
ថ្ងៃទី១៨ ខែឧសភា ឆ្នាំ២០១០ខាង មុខនេះហើយ។

បញ្ជីឈ្មោះប្រតិភូអ្នកតំណាង រាស្ត្រគណបក្សសមរង្ស៊ីទាំង៥ រូបនោះរួមមាន ៖ ១.លោក សុន ឆ័យ,
២.លោក យឹម សុ វណ្ណ , ៣.លោកស្រី កែ សុវណ្ណ រតន៍, ៤.លោក អេង ឆៃអ៊ាង, ៥.លោក គួយ ប៊ុន
រឿន , ៦. លោក ម៉ែន សុថាវរិន្ទ្រ , ៧. លោកស្រី ជូឡុង សូមួរ៉ា, ៨.លោកស្រី មូរ សុខហួរ, ៩.លោក
ជាម ច័ន្ទនី , ១០.លោក គឹម សួរភីរិទ្ធិ, ១១.លោក ម៉ៅ មុនីវណ្ណ , ១២.លោកយន្ត ថារូ, ១៣.លោក
កត្តា ជីវ, ១៤. លោកស្រី ថាក់ ឡានី, ១៥. លោក ឃី វណ្ណដេត , ១៦. លោក នុត រំដួល , ១៧.លោក
ចាន់ ចេង, ១៨.លោក ឃឹម ឡាគី , ១៩.លោកស្រី ពត ពៅ, ២០.លោក ឡុង រី, ២១.លោក ហូរ វ៉ាន់,
២២.លោកស្រី លីស្រី វីណា, ២៣.លោក ជា ប៉ូច , ២៤.លោក គង់ បូរ៉ា, ២៥. លោក តុ វ៉ាន់ចាន់។

គួររំលឹកថា លោកសម រង្ស៊ី ប្រធានគណបក្សសមរង្ស៊ីត្រូវបានតុលាការខេត្តស្វាយរៀង បើកសវ
នាការកាត់ឱ្យជាប់ពន្ធនាគារចំនួន២ឆ្នាំនិងពិន័យជាប្រាក់ ចំនួន៥៨លានរៀល ដែលក្នុងនោះ ពិន័យ
ទៅឱ្យគណៈកម្មការព្រំដែនកម្ពុជាចំនួន៥០លាន រៀលពីបទដែលបានបំផ្លាញតម្រុយបង្គោលព្រំ
ដែន លេខ ១៨៥នៅភូមិកោះក្បានកណ្តាល ឃុំសំរោង ស្រុកចន្ទ្រា ខេត្ត ស្វាយរៀង។

សវនាការក្នុងគ្រានោះត្រូវបានធ្វើឡើងតាំងពីម៉ោង៨ព្រឹក ដល់ម៉ោងជិត២រសៀលជាមួយ នឹង
ករណីផ្សេងៗទៀតនោះ ក៏បានកំណត់ដាក់ពន្ធនាគារទៅលើប្រជាពលរដ្ឋខ្មែរជាកសិករបាត់បង់ដី
ស្រែ ដោយសារការបោះបង្គោលព្រំដែននោះដែរ គឺអ្នកស្រីមាស ស្រី និងលោកព្រំ ជា ដែលម្នាក់ៗ
ជាប់ពន្ធនាគារចំនួន១ឆ្នាំ និងពិន័យជាប្រាក់ម្នាក់ៗ ចំនួន២,៥លានរៀល។ ចំណែកឯ៣នាក់ទៀត
ដែលបានគេចខ្លួននោះត្រូវតុលាការលុបចោលការចោទប្រកាន់៕