តុលាការផ្តន្ទាទោសអ្នកកាសែត រស់ សុឃិត ជាប់ពន្ធនាគាររយៈ ពេល២ឆ្នាំ

លោក រស់ សុខឃិត

សាលាដំបូងរាជធានីភ្នំពេញកាលពីថ្ងៃម្សិលមិញនេះបានសម្រេចផ្តន្ទាទោសអ្នក កាសែត រស់ សុឃិត ឲ្យជាប់ពន្ធាគាររយៈពេល២ឆ្នាំពីបទផ្សាយព័ត៌មានមិនពិត នៅក្រោមបណ្តឹងរបស់លោក សយ សុភាព បណ្តាធិការកាសែតដើមអំពិលដ៏មាន ឥទ្ធិពល។

លោក ឆាយ គង់ ចៅក្រមជំនុំជម្រះសាលាដំបូងរាជធានីភ្នំពេញបានសម្រេច ប្រកាសសាលក្រមដោយផ្តន្ទាទោសដាក់ពន្ធាគារលោក រស់ សុឃិត រយៈពេល ២ឆ្នាំពីបទផ្សាយព័ត៌មានមិនពិត ដោយការផ្ញើសារតាមរយៈទូរស័ព្ទដៃគំរាមកំហែង ទៅលើលោក សយ សុភាព។

គួរបញ្ជាក់ថា លោក រស់ សុឃិតត្រូវបានប៉ូលិសក្រសួងមហាផ្ទៃចាប់ខ្លួនបន្ទាប់ពី បានផ្ញើសារតាមទូរស័ព្ទគំរាមកំហែងលោក សយ សុភាព ចាងហ្វាងកាសែតដើម អំពិល និងបានចោទសួរពាក់ព័ន្ធនឹងការទារប្រាក់ពីស្រ្តីឈ្មោះ ខែ ដារ៉ា ហៅហ្គិច បន្ទាប់ពីស្រ្តីរូបនេះបានប្រើកាំភ្លើងបាញ់បោះសេរីក្នុងហេតុការណ៏មួយកាលពីខែ កញ្ញាកន្លងទៅ។

លោក សយ សុភាព ធ្លាប់បានឲ្យដឹងថា លោកធ្លាប់បានទទួលសារគំរាមកំហែង តាមទូរស័ព្ទពីម្ចាស់លេខទូរស័ព្ទដែលនគរបាលចាប់ខ្លួននេះជាច្រើនដង ហើយ នៅពេលសហការីរបស់លោកបានព្យាយាមទូរស័ព្ទទៅវិញ ទូរស័ព្ទនោះពុំមាន ការឆ្លើយតបទេ ដោយលោកថា អ្នកកាសែតរូបនេះបានបង្កាច់បង្ខូចកេរ្តិ៍ឈ្មោះ របស់លោក៕