លោក សម រង្ស៊ី នឹងប្រឈមមុខនឹងការដកអភ័យឯកសិទ្ធិនៅ សប្តាហ៏ក្រោយ

ថ្ងៃទី១៣ ខែវិច្ឆិកា ឆ្នាំ២០០៩

លោក សម រង្ស៊ី សមាជិកសភាកម្ពុជា និងជាមេដឹកនាំគណបក្សសមរង្ស៊ីនឹងត្រូវ រដ្ឋសភាបើកិច្ចប្រជុំដកអភ័យឯកសិទ្ធិនៅថ្ងៃទី១៦ ខែវិច្ឆិកា សប្តាហ៍ក្រោយនេះ។

លោក ជាម យៀប សមាជិកគណៈកម្មការអចិន្រ្តៃយ៏រដ្ឋសភាបានឲ្យដឹងថា របៀបវារៈនៃការដកអភ័យឯកសិទ្ធិលោក សម រង្ស៊ីគឺធ្វើឡើងតាមការស្នើសុំរបស់ អយ្យការតុលាការខេត្តស្វាយរៀងតាមរយៈរដ្ឋមន្រ្តីក្រសួងយុត្តិធម៌។ការដកអភ័យ ឯកសិទ្ធិលោក សម រង្ស៊ីក៏ដើម្បីបើកផ្លូវឲ្យតុលាការខេត្តស្វាយរៀងចាត់ការស៊ើប អង្កេត និងសាកសួរលោកសមរង្ស៊ីពាក់ព័ន្ធទៅនឹងការដកបង្គោលតម្រុយសម្រាប់ ការកំណត់ព្រំដែនរវាងប្រទេសកម្ពុជានិងប្រទេសយួន។

ចំពោះបញ្ហានេះ លោក សម រង្ស៊ី បានមានប្រសាសន៍ថា «អាជ្ញាធរកម្ពុជាធ្វើតាម បញ្ជារបស់រដ្ឋាភិបាលប្រទេសវៀតណាម, អ្វីដែលខ្ញុំបានធ្វើ គឺខ្ញុំបានការពារប្រជា រាស្រ្តខ្មែរដែលបាត់បង់ដីស្រែរបស់ពួកគាត់ដោយអាជ្ញាធរយួនបានរំកិលព្រំដែន ចូលមកក្នុងទឹកដីខ្មែរ។ រឿងនេះជារឿងធ្ងន់ធ្ងរណាស់ មិនមែនរឿង សម រង្ស៊ី ជា បុគ្គលទេ រឿងប្រទេសជាតិយើងទាំងមូល ដែលប្រទេសជិតខាង ជាពិសេស ប្រទេសវៀតណាមតែម្តងកំពុងតែត្របាក់លេបទឹកដីយើង។ ល្បិចលោក ហ៊ុន សែន សព្វថ្ងៃគឺគេបង្វែរអារម្មណ៏ប្រជារាស្រ្តខ្មែរឲ្យមើលតែទៅខាងលិច តែកុំឲ្យ យើងគិតពីខាងកើត។

លោក ចាន់ សូវ៉េត មន្រ្តីអង្គការសិទ្ធិមនុស្សអាដហុកបានអធិប្បាយថា «វាមិនល្អ ទេ ធ្វើឲ្យបរទេសគេមើលងាយយើង។យើងមិនទាន់បានដោះស្រាយត្រឹមត្រូវផង យកការព្យួរអភ័យឯកសិទ្ធិ វាធ្វើឡើងអត់ទាន់ត្រឹមត្រូវល្អដែលគួរអាចទទួលយក បានទេ។

គួររំលឹកថា កាលពីថ្ងៃទី២៥ ខែតុលា ថ្មីៗនេះ លោក សម រង្ស៊ី បានដឹកនាំបុណ្យ កឋិនទានមួយទៅកាន់វត្តអង្គរំដិញ ឃុំសំរោង ស្រុកចន្រ្ទា ខេត្តស្វាយរៀង ហើយ លោកបានដកបង្គោលព្រំដែនរវាងកម្ពុជានិងវៀតណាម ដោយលោកបានចោទ ប្រកាន់ថា ភាគីវៀតណាមបានបង្ខិត និងរំលោភព្រំដែនចូលមកក្នុងទឹកដីកម្ពុជា នៅទីនោះ៕