លោកសមរង្ស៊ីគ្រោងប្តឹងទៅតុលាការអន្តរជាតិរឿងយួនបោះបង្គោល ព្រំដែនកាត់យកដីស្រែខ្មែរ

លោក សម រង្ស៊ី សមាជិកសភាកម្ពុជានិងជាប្រធានគណបក្សសមរង្ស៊ីគ្រោងដាក់ បណ្តឹងទៅតុលាការអន្តរជាតិពីរឿងនៃការរំលោភយកដីខ្មែរពីសំណាក់អាជ្ញាធរ រដ្ឋាភិបាលយួនតាមតំបន់ព្រំដែន។

ជាមួយគ្នានេះដែរចៅហ្វាយចន្រ្ទានៃខេត្តស្វាយរៀង ក៏ដូចជាថ្នាក់ដឹកនាំខេត្តនេះ ពួកគេបានដាក់បណ្តឹងទៅតុលាការក្នុងបំណងចោទប្រកាន់ប្រឆាំងនឹងលោកសម
រង្ស៊ីពីបទបំផ្លាញទ្រព្យសម្បត្តិបង្គោលឈើដែលគេបោះនៅលើដីដែលប្រជា
កសិករខ្មែរអះអាងថាជាដីដូនតារបស់ពួកគាត់នោះ។

លោកសមរង្ស៊ីដែលឥឡូវស្ថិតនៅទីក្រុងប៉ារីសបានពិពណ៌នាថា លោកមិន
ខ្លាចនឹងការប្តឹងប្រឆាំងរូបលោកដោយអាជ្ញាធរស្រុកនិងខេត្តនៃកម្ពុជានោះ
ទេ។ លើសពីនេះទៀតលោកបានទាំងថ្លែងថា លោកក៏មានគម្រោងដាក់
បណ្តឹងទៅតុលាការអន្តរជាតិដើម្បីរកយុត្តិធម៌ជូនប្រជារាស្រ្តខ្មែរដែលរង
ការរំលោភយកដីធ្លីពី​សំណាក់ប្រទេសយួន ហើយជារឿងដែលអាជ្ញាធរ
កម្ពុជាមិនហ៊ានដោះស្រាយជូនប្រជារាស្រ្តឯងនោះ៕