សាលាឧទ្ធរណ៏រក្សាសាលក្រមតុលាការសាលាដំបូងរាជធានី ភ្នំពេញលើសំណុំរឿងលោកស្រី មូរ សុខហួរ

សាលាឧទ្ធរណ៏នៃប្រទេសកម្ពុជាបានរក្សាទុកសាលក្រមរបស់សាលាដំបូង រាជធានីភ្នំពេញឲ្យនៅដដែល ករណីលោកនាយករដ្ឋមន្រ្តី ហ៊ុន សែន ប្តឹង លោកស្រីមូរ សុខហួរ ពីបទបរិហាកេរ្តិ៍។ ការសម្រេចបែបនេះគឺនៅក្នុងសវ នាការកាលពីព្រឹកថ្ងៃទី២៨ តុលា ២០០៩។

សាលក្រមរបស់តុលាការនៃសាលាដំបូងរាជធានីភ្នំពេញកាលពីថ្ងៃទី០៤ សីហា ២០០៩ បានសម្រេចឲ្យលោកស្រី មូរ សុខហួរ អ្នកតំណាងរាស្រ្ត គណបក្សសមរង្ស៊ីមណ្ឌលកំពតបង់ប្រាក់ពិន័យ១៦,៥លានរៀលដែលក្នុង នោះបង់ជូនលោក ហ៊ុន សែន ចំនួន៨លានរៀល និងបង់ជូនរដ្ឋចំនួន៨,៥ លានរៀល។

ការប្តឹងផ្តល់គ្នារវាងលោកស្រី មូរ សុខហួរ ជាមួយលោក ហ៊ុន សែន នេះ ផ្តើមចេញពីសុន្ទរកថាលោក ហ៊ុន សែន នៅស្រុកឈូក ខេត្តកំពត កាលពី ថ្ងៃទី៤ មេសា ២០០៩ ដែលលោកស្រីមូរ សុខហួរ អះអាងថា បានធ្វើឲ្យប៉ះ ពាល់ដល់កិត្តិយសរបស់លោកស្រី។

ចំពោះការសម្រេចរបស់សាលាឧទ្ធរណ៏នេះ លោក គី តិច មេធាវីការពារក្តី ឲ្យលោក ហ៊ុន សែន បានថ្លែងដោយស្នើឲ្យសាលាឧទ្ធរណ៏រក្សាសាលក្រម របស់តុលាការសាលាដំបូងរាជធានីភ្នំពេញឲ្យនៅដដែល។

ជាមួយគ្នានេះលោកស្រី មូរ សុខហួរ បានបញ្ជាក់ថា លោកស្រីនឹងប្តឹងទៅ តុលាការកំពូលជាបន្តទៀតនៅពេលបញ្ចប់បុណ្យអុំទូក។ ដោយលោកស្រី បានមានប្រសាសន៏ថា «ខ្ញុំមិនភ្ញាក់ផ្អើលទេ តែសោកស្តាយដោយរាស្រ្តខ្មែរ ១៤លាននាក់ចង់ឃើញឲ្យមានការកែប្រែប្រព័ន្ធយុត្តិធម៌។ នៅថ្ងៃនេះជាថ្មី ទៀត យើងអភ័ព្វម្តងទៀត សម្រាប់ប្រជារាស្រ្តដោយសារតុលាការមាន ភាពលម្អៀង ហើយកាត់សេចក្តីខ្ញុំថ្ងៃនេះ គឺកាត់ក្តីដោយយកនយោបាយ សុទ្ធសាធ យកមកធ្វើជាគោលការណ៏ មិនមែនយកគោលការណ៏យុត្តិធម៌ មកកាត់ទេ»៕