ស្រីទំនើង ខែ ដារ៉ា ប្រាប់ចៅក្រមថា មិនបានធ្វើអាក្រក់ដូចការ ចោទប្រកាន់

ស្រីទំនើង ខែ ដារ៉ា ដែលបានប្រើប្រាស់អាវុធបាញ់បោះនៅកណ្តាលទីក្រុង ភ្នំពេញកាលពីថ្ងៃទី២៨ កញ្ញា ត្រូវបានសាលាឧទ្ធរណ៏បើកសវនាការកាល ពីថ្ងៃម្សិលមិញនេះ។

នៅចំពោះមុខចៅក្រមជំនុំជម្រះក្នុងសម្លៀកបំពាក់ជាអ្នកទោសនោះ ស្រី ទំនើង ខែ ដារ៉ា ហៅ ហ្គិច ឬកែវ រតនៈ បានប្រាប់អង្គជំនុំជម្រះថា ខ្លួនពិត ជាបានបាញ់បោះមែន ប៉ុន្តែមិនបានធ្វើអាក្រក់ដូចការចោទប្រកាន់នោះ ទេ។ ប៉ុន្តែចៅក្រមបាននិយាយថា «ខ្ញុំបានឃើញវីស៊ីឌី នោះហើយ គឺសាហាវណាស់»។ ដោយសាលាឧទ្ធរណ៏បានរក្សាទុកសាលក្រមសាលា ដំបូងរាជធានីភ្នំពេញឲ្យនៅដដែល។

គួរបញ្ជាក់ថា នៅក្នុងពិធីចែកសញ្ញាប័ត្រដល់និស្សិតក្នុងក្រុងភ្នំពេញកាលពី ពេលថ្មីៗនេះ នាយករដ្ឋមន្រ្តី ហ៊ុន សែន បានស្នើឲ្យមានការប្តឹងស្រីទំនើង ខែ ដារ៉ា ទៅសាលាឧទ្ធរណ៏បន្ថែមទៀត ខណៈដែលសាលាដំបូងរាជធានី ភ្នំពេញបានកាត់ឲ្យស្រ្តីរូបនេះជាប់ពន្ធនាគាររយៈពេល១៨ខែ និងពិន័យ ប្រាក់មួយលានរៀលនោះ។

សេចក្តីរាយការណ៏ថ្មីៗនេះឲ្យដឹងថា អាជ្ញាធរបានដាក់បណ្តឹងបន្ថែមទៀត ទៅកាន់សាលាដំបូងរាជធានីភ្នំពេញដោយចោទប្រកាន់ស្រ្តី ខែ ដារ៉ា ចំនួន ពីរករណីបន្ថែមទៀត ពីលើករណីចាស់ដែលមានស្រាប់៕