ក្លឹបអ្នកកាសែតកម្ពុជាព្រួយបារម្ភពីសេរីភាពសារព័ត៌មានក្នុងកណ្តាប់ដៃតុលាការ

ថ្មីៗនេះ អ្នកសារព័ត៌មាន ចំនួន៣នាក់ ត្រូវបាន សាលាដំបូង ខេត្តកំពង់ឆ្នាំង ចេញដីកា បង្គាប់ឱ្យ ចូល
ខ្លួន ដើម្បី សាកសួរ អំពី បណ្តឹង បរិហារកេរ្តិ៍ និង ផ្សាយ ព័ត៌មាន មិនពិត។ ក្នុង នោះ មាន ភ្នាក់ងារ សារព័ត៌មាន កោះសន្តិភាព, កម្ពុជា ថ្មី និង ខ្មែរ ស្ថាបនា ដែលត្រូវ ប្រឈម នឹងការ សាកសួរ ពី សំណាក់ មន្ត្រី តុលាការ បន្ទាប់ ពី មាន ពាក្យ បណ្តឹង របស់ ឈ្មោះ នួន សុវណ្ណរិទ្ធ ។

ទាក់ទិននឹងករណីខាងលើនេះ ក្លឹបអ្នកកាសែតកម្ពុជា (ក.អ.ក)បានចេញសេចក្តីថ្លែង ការណ៍មួយ
កាលពីថ្ងៃទី២០ ខែ ឧសភាឆ្នាំ២០១០ដែលក្នុងនោះ ក.អ.ក បានសម្តែងនូវការព្រួយបារម្ភយ៉ាងខ្លាំង
ចំពោះសេរី ភាពសារព័ត៌មាននៅកម្ពុជា។

ជាមួយគ្នានេះដែរ ក.អ.ក បានថ្លែងនៅក្នុងសេចក្តីថ្លែង ការណ៍របស់ខ្លួនថា «ក្លឹបអ្នកកាសែតកម្ពុជា
បានតាមដានយ៉ាងយកចិត្តទុកដាក់ចំពោះករណី បណ្តឹងបរិហាកេរ្តិ៍ និងផ្សាយព័ត៌មានមិនពិតនេះ
ហើយបានកត់ សម្គាល់ថា បណ្តឹងនេះកើតមាន ក្រោយពេលដែលកាសែតកោះសន្តិភាព និង
កាសែតកម្ពុជាថ្មី បានចុះផ្សាយអត្ថបទពាក់ព័ន្ធការកាប់បំផ្លាញព្រៃឈើរាន យកដីនៅចំណុចអូររលុះ
ស្ថិតក្នុង ភូមិអញ្ចាញរូង ឃុំពេជចង្វា ស្រុកបរិបូរណ៍ខេត្តកំពង់ឆ្នាំង»។

សេចក្តីថ្លែងការណ៍ដដែល នេះបានបន្តទៀតថា តាមអត្ថ បទដែលបានចុះផ្សាយនោះ គឺ ក្លឹបអ្នក
កាសែតកម្ពុជាពិនិត្យឃើញថា មានលក្ខណៈត្រឹមត្រូវតាមវិជ្ជាជីវៈ និងតាមការពិតជាក់ស្តែង ដែល
មិនមានចំណុចណា មួយត្រូវប្តឹងពីបទបរិហាកេរ្តិ៍ ឬ ផ្សាយព័ត៌មានមិនពិតនោះឡើយ។

ទោះជាដូច្នេះក្តី ក្លឹបអ្នកកា សែតកម្ពុជានៅតែអំពាវនាវ ដោយទទូចដល់សាលាដំបូងខេត្តកំពង់ឆ្នាំង
ឱ្យយកច្បាប់ស្តីពីរបបសារព័ត៌មានមកអនុវត្តចំពោះ រឿងក្តីខាងលើនេះនិងប្រើប្រាស់សុភវិនិច្ឆ័យ
ដើម្បីធានាថា សេរី ភាពសារព័ត៌មាននៅកម្ពុជាមិន ត្រូវបានរំលោភបំពាន។ ហើយភ្នាក់ងារកាសែត
កោះសន្តិភាព, កម្ពុជាថ្មី និងខ្មែរស្ថាបនាត្រូវតែទទួលបាននូវភាពយុត្តិធម៌។

ក្នុងន័យនេះដែរ លោក ហង្ស ចក្រា ចាងហ្វាងកាសែត «ខ្មែរម្ចាស់ស្រុក» ដែលធ្លាប់ទទួលរងនូវ
ការផ្តន្ទាទោសក្រោម ច្បាប់ព្រហ្មទណ្ឌអន្តរកាលតាម បទចោទប្រកាន់ថា ផ្សាយព័ត៌មានមិនពិតនិង
បរិហាកេរ្តិ៍ជាប់ពន្ធនាគារអស់រយៈពេល៩ខែ ១៧ថ្ងៃក្នុងកំណត់ទោសរយៈ ពេល១២ខែនោះ ក៏បាន
អំពាវ នាវដល់សាលាដំបូងខេត្តកំពង់ ឆ្នាំងឱ្យយកច្បាប់ស្តីពីរបបសារព័ត៌មានមកអនុវត្តលើអ្នក
កាសែត ជាដាច់ខាត។ ពិសេសគឺលោកមិនចង់ឃើញតុលាការប្រើប្រាស់ អំណាចរបស់ខ្លួនជ្រុល
ហួសហេតុតទៅទៀតទេ៕