មិនឃិនលក់ការិយាល័យគណៈកម្មាធិការបុណ្យជាតិ មិនចែកប្រាក់អោយបុគ្គលិក

រដ្ឋមន្ត្រីក្រសួងធម្មការ និងសាសនា បានលក់ការិយាល័យ នៃក្រសួងនោះ
មួយកន្លែងបានប្រាក់ចែកគ្នាជាមួយថ្នាក់លើ ធ្វើអោយបុគ្គលិកថ្នាក់ក្រោមមិន
សប្បាយចិត្ត ហើយព្រមានធ្វើការតវ៉ា។

ការិយាល័យគណៈកម្មាធិការជាតិរៀបចំពិធីបុណ្យជាតិ និងអន្តរជាតិ ដែល
មានទីតាំងស្ថិតនៅតាមបណ្តោយផ្លូវព្រះស៊ីសុវត្ថិនោះ ត្រូវបានមន្ត្រី នៃ ស្ថាប័ន
ពាក់ព័ន្ធលក់ទៅអោយក្រុមហ៊ុនឯកជនមួយឈ្មោះ ក្រុមហ៊ុនអភិវឌ្ឍន៍ ភាពីម៉ិច
ជាផ្លូវការហើយ បើទោះបីជាការលក់នោះមានការជំទាស់ ពី មន្ត្រីថ្នាក់ក្រោម
ច្រើនយ៉ាងណាក៏ដោយ ។ នេះបើតាមការឱ្យដឹងរបស់មន្ត្រីក្រសួងធម្មការ និង
សាសនា ។

ការជំទាស់របស់បុគ្គលិកនៅថ្នាក់ក្រោមនេះ ដោយសារតែ អ្នកលក់បានប្រាក់
មិនចែកប្រាក់ខ្លះឱ្យបុគ្គលិក ។

អគ្គលេខាធិការរង នៃគណៈ កម្មាធិការរៀបចំបុណ្យជាតិនិង អន្តរជាតិ លោក
ជា សុខុម បាន ប្រាប់ The Cambodia Daily កាលពីថ្ងៃទី២៦ មីនា ២០១០ ថា
អគារនៅក្បែរមាត់ទន្លេ ក្នុងខណ្ឌដូនពេញរាជធានីភ្នំពេញនោះ ត្រូវបានលក់
ហើយ។ ជាមួយគ្នានោះដែរ បុគ្គលិកដែលបំរើការនៅស្ថាប័ននោះ ក៏ត្រូវ បាន
បញ្ជាអោយរើសម្ភារៈចាកចេញ នៅមុនដំណាច់ខែមីនា ឆ្នាំ២០១០នេះដែរ ។
លោកបានបន្តថា លោកមិន ឃិន រដ្ឋមន្ត្រីក្រសួងធម្មការ និងសាសនា ជាអ្នក
ចាត់ចែងកិច្ចព្រមព្រៀងនេះ ។ លោកបានថ្លែងយ៉ាងដូច្នេះថា «មានសេចក្តី
ប្រកាសមួយដល់បុគ្គលិកទាំងអស់ ឱ្យរើចេញនៅថ្ងៃទី៣១ ខែមីនា ទៅកាន់
ទីតាំងថ្មី ។ ខ្ញុំមិនដឹងថា វាមានតម្លៃប៉ុន្មានទេ ពីព្រោះ លោកមិន ឃិន ជាអ្នក
លក់ការិយាល័យនេះ» ។

លោកខៀវ សិព្វផន មេធាវីគណបក្សប្រជាជនកម្ពុជា បានផ្ញើលិខិតមួយច្បាប់
ប្រាប់ដល់បុគ្គលិកគណៈកម្មាធិការជាតិ រៀបចំបុណ្យជាតិ និងអន្តរជាតិ កាល
ពីថ្ងៃទី១៩ ខែមីនា ឆ្នាំ ២០១០ ដោយព្រមានមិនឱ្យមានការតវ៉ា នឹងបទបញ្ជា នៃ
ការផ្លាស់ប្តូរការិយាល័យនេះ ។ លោកបានបន្តនៅក្នុងលិខិតថា «ប្រសិនបើអ្នក
មិនគោរពបទបញ្ជានេះទេ ខ្ញុំនឹងរាយការណ៍ អំពីករណីនេះ ទៅគណបក្សប្រជា
ជនកម្ពុជា និងបន្តចាត់វិធានការ» ។

បើយោងតាមការបញ្ជាក់ របស់មេធាវី គណបក្សប្រជាជន រូបនេះបានបញ្ជាក់
ថា ការិយាល័យថ្មីគ្រាន់តែជាអគារបណ្តោះអាសន្នប៉ុណ្ណោះ ។

ពាក់ព័ន្ធនឹងលោកមិន ឈិន លក់ការិយាល័យគណៈកម្មាធិការជាតិ រៀបចំ
បុណ្យជាតិ និងអន្តរជាតិនេះ កាលពីថ្ងៃទី២៦ មីនា ឆ្នាំ២០១០ បុគ្គលិកនានា
បានប្រាប់កាសែតដដែលស្តីអំពីពួកគេមិនសប្បាយចិត្តចំពោះកិច្ចព្រមព្រៀង
លក់ដូរនេះទេ ដោយពួកគេហៅការិយាល័យ ថ្មីថា តូចចង្អៀត សម្រាប់បុគ្គ
លិក៥៨នាក់ ។

បុគ្គលិកម្នាក់បាននិយាយថា បុគ្គលិកទាំងអស់មានអារម្មណ៍ថា ពួកគេសមនឹង
ទទួលបានចំណែកប្រាក់ខ្លះ នៃការលក់ការិយាល័យនេះ ដោយសារពួកគេ
យល់ឃើញថា ទីតាំងថ្មីអន់ជាងទីតាំងចាស់ ។ លោកបានបន្តថា បុគ្គលិកទាំង
អស់កំពុងរៀបចំលិខិត ដែលបានចុះហត្ថលេខាមួយ សំដែងពីការមិនសប្បាយ
ចិត្តរបស់ពួកគេ ។ បុគ្គលិករូបនោះបានថ្លែងសុំមិនឱ្យបញ្ចោញឈ្មោះថា «យើង
គ្រោងនឹងសរសេរលិខិតផ្ញើជូនលោក គង់ សំអុល រដ្ឋមន្ត្រីក្រសួងព្រះបរមរាជ
វាំង ដែលជាប្រធានគណៈកម្មាធិការនេះ និងមានសំណើ ខ្លះ សម្រាប់ឱ្យលោក
ជួយដោះស្រាយ» ។

ចំណែកឯបុគ្គលិកម្នាក់ទៀតដែលថ្លែងមិនបញ្ចោញឈ្មោះ បានអះអាងថា ខ្លួន
មិនសប្បាយចិត្តនឹងការលក់ទីតាំងចាស់នេះទេ ដោយបញ្ជាក់ថា បុគ្គលិក ទាំង
អស់ប្រហែលជាតវ៉ា បើសិនជាមិនដោះស្រាយ ប្រាក់ ដែលបានពីលក់អគារ
នោះឱ្យពួកគេខ្លះទេ ។ បុគ្គលិកទាំងនោះបានថ្លែងថា នេះមិនមែន ជាការដោះ
ដូរទេ តែជាការលក់អគារមានតម្លៃខ្ពស់ ទៅទិញអគារតម្លៃថោក ។

គួរបញ្ជាក់ថា ការលក់អគារ ព្រទ្យសម្បត្តិរដ្ឋ ក្រោមរូបភាពប្តូរទីតាំងចាស់
ដែលមានទំហំតូច ហើយទៅទិញតាំងថ្មី ដែលមានទំហំធំនេះ ជាទម្លាប់ របស់
អ្នកមានអំណាចខ្មែរ ទៅហើយ បើទោះបីជាការលក់ដូរនោះធ្វើ អោយមន្ត្រី
ក្រោមឱវាទ មិន សប្បាយចិត្តខ្លាំង ដោយសារតែ ពួកគេមិនបានទទួលផល ពី
ការលក់ដូរនោះ ។

ខ្មែរម្ចាស់ស្រុក មិនអាចសុំការបំភ្លឺពីលោកមិន ឃិន បានទេ, ហើយសារព័ត៌
មានយើង នឹងបន្តតាមដានរឿងនេះជាបន្ត ទៀត ជាពិសេសការព្រមានធ្វើ
បាតុកម្មប្រឆាំងលោកមិន ឃិន ដោយទាមទារចែកប្រាក់ ដែល បានមកពីការ
លក់ការិយាល័យនេះដល់បុគ្គលិកគ្រប់ៗគ្នា៕