មតិនានាចំពោះការឈប់បោះពុម្ពផ្សាយរបស់ កាសែតមនសិការខ្មែរ

កាសែតមនសិការខ្មែរដែលជាកាសែតប្រឆាំងជាង១០ឆ្នាំកន្លងមកនេះ បានបញ្ចប់ការបោះពុម្ពផ្សាយ ជាផ្លូវការ និងលែងមានដាក់លក់នៅតាមតូបនានាក្នុងក្រុងភ្នំពេញទៀតហើយ។ ដែលនេះបានធ្វើ អោយសម្លេងអ្នកប្រឆាំងតាមរយៈប្រព័ន្ធផ្សព្វផ្សាយត្រូវបាត់បង់។

កាសែតមនសិការខ្មែរបានបញ្ឈប់ការបោះពុម្ពផ្សាយរបស់ខ្លួនជាថ្នូរនឹងលោក ហ៊ុន សែន បញ្ជាអោយ មេធាវីរដ្ឋាភិបាលដកបណ្តឹងព្រហ្មទណ្ឌលើអត្ថបទចំនួន១៨ ដែលគេអះអាងថា សុទ្ធតែជាអត្ថបទ ញុះញង់បំបែកបំបាក់ផ្ទៃក្នុងគណបក្សប្រជាជន។ ដោយសារតែបណ្តឹងនេះអ្នកគ្រប់គ្រងកាសែតមន សិការខ្មែរបានធ្វើលិខិតសុំទោសលោក ហ៊ុន សែន និងថ្នាក់ដឹកនាំគណបក្សប្រជាជនដ៏គួរអោយភ្ញាក់ ផ្អើល រួមទាំងការប្តេជ្ញាគាំទ្រគោលនយោបាយរដ្ឋាភិបាលក្រោមការដឹកនាំរបស់លោក ហ៊ុន សែន និងយល់ព្រមបញ្ឈប់ការបោះពុម្ពផ្សាយជាផ្លូវការផងដែរ។

ក្រុមអ្នកសង្កេតការណ៏បានសម្តែងការសោកស្តាយចំពោះការបញ្ចប់ការបោះពុម្ពផ្សាយរបស់កាសែត មនសិការខ្មែរ ក៏ប៉ុន្តែបានរិះគន់ខ្លាំងៗចំពោះការសម្រេចចិត្តរបស់លោកចាងហ្វាងក្នុងការបិទកាសែត និងការសុំទោស ដោយនិយាយថា វាធ្វើអោយមានដើមចមដែលគួរអោយព្រួយបារម្ភសម្រាប់ពេល អនាគត។

លោក គល់ បញ្ញា ប្រធានអង្គការខុមហ្វ្រែលបានថ្លែតថា គណបក្សសមរង្ស៊ីបានបាត់បង់មធ្យោបាយ មួយក្នុងចំណោមមធ្យោបាយមួយចំនួនតូចរបស់ខ្លួននៅក្នុងការបញ្ចេញសារ។ លោកបានបន្តថា បញ្ហាដែលរឹតតែខ្លាំងចំពោះគណបក្សនេះគឺប្រហែលជាការសុំទោសរបស់លោកចាងហ្វាងចំពោះអត្ថ បទកាសែតគាត់ ដែលប្រហែលជាធ្វើអោយសាបដល់ការប្រឆាំងដែលពាក់ព័ន្ធនឹងរដ្ឋាភិបាល និង គណបក្សកាន់អំណាច។

លោកបានមានប្រសាសន៍អំពីការសុំទោសថា «វាគឺជាផលប៉ះពាល់លើគណបក្សប្រឆាំង មានន័យថា ការរិះគន់មុនៗគឺខុស»។

លោក អេង ឆៃអ៊ាង សមាជិកសភាគណបក្សសមរង្ស៊ីបានថ្លែងថា លោក ដាំ សិទ្ធិ មិនបានធ្វើអោយ គណបក្សសមរង្ស៊ីអន់ចិត្តដោយការសុំទោសលោក ហ៊ុន សែន នោះទេ។ លោកបានមានប្រសាសន៏ ថាលោក ដាំ សិទ្ធិ នៅជាមួយគណបក្សសមរង្ស៊ីនៅឡើយ យើងដឹងអំពីការលំបាករបស់គាត់ យើង មិនខឹងទេ៕